दाङमा एमाले–माओवादीलाई ‘काउन्टर’ दिँदै कांग्रेस नेता गिरी
![](https://i0.wp.com/www.republicadainik.com/wp-content/uploads/2017/11/Deepak-Giri-Nepali-Congress.jpg?resize=800%2C441)
तुलसीपुर । नेपाली कांग्रेसका केन्द्रीय सदस्य दीपक गिरीले व्यक्तिभन्दा पनि लोकतन्त्र र विकासका लागि काम गर्ने कांग्रेसका उम्मेदवारहरूलाई चुनाव चिन्ह ‘रुख’मा मतदान गर्न अपील गरेका छन् ।
कांग्रेसबाट दाङ क्षेत्र नं. ३ मा प्रतिनिधि सभाका उम्मेदवार गिरीले तुल्सीपुर उपमहानगरपालिका वडा नम्वर ७ पर्सेनीमा मंगलबार आयोजित चुनावी कार्यक्रमलाई सम्बोधन गर्दै कांग्रेसले मात्रै संविधान, लोकतन्त्र र विकासका लागि काम गर्ने बताए ।
‘जंगलमा रहेको माओवादीलाई गिरिजाप्रसाद कोइरालाले शान्ति प्रक्रियामा ल्याउनु भएको हो’, उनले भने, ‘कांग्रेसले मात्रै मुलुकलाई समृद्धि, विकास र लोकतन्त्रमा लैजान सक्छ ।’
दाङसहित मुलुकभरि कांग्रेसबाट उम्मेदवार बनेका उम्मेदवारहरूले जितेपछि मात्रै संघीय लोकतान्त्रिक संविधानको रक्षा हुने केन्द्रीय सदस्य गिरीले बताए ।
‘लोकतन्त्रलाई मासेर साम्यवादी निरंकुश व्यवस्था ल्याउने लक्ष्यसहित कम्युनिष्टहरू लागेका छन्’, उनले भने, ‘कम्युनिष्टहरूको भित्री कुरा बुझेरै निर्वाचनमा कांग्रेसले जनताको पक्षमा अभिव्यक्ति दिएको छ ।’
स्थानीय निर्वाचनमा कम्युनिष्टहरूको गलत नारामा झुक्किए जस्तो अबको निर्वाचनमा मतदाताहरू नझुक्किने गिरीले बताए ।
पूर्वमन्त्री समेत रहेका नेता गिरीले कांग्रेसले दाङ जिल्लामा वृहत्त दाङ सिंचाइ आयोजना गरेको बताए । ‘म सिँचाइ मन्त्री बनेका बेला दाङमा ३३ करोड बजेट ल्याएको छु ।
सिचाइका लागि काम सुरु भइसकेको छ’, उनले भने, ‘दाङको सिँचाइ, सडक लगायत हरेक विकासमा कांग्रेसको ठूलो योगदान छ । कम्युनिष्टहरूले बोल्ने मात्रै हुन् । कांग्रेसले काम बोल्छ । धेरै काम गर्छ ।’
एमाले–माओवादीले दाङमा कांग्रेसविरुद्ध लक्षित गरेर भ्रामक अभिव्यक्तिहरू दिइरहेका बेला कांग्रेस नेता गिरीले उनीहरूलाई कडा जवाफ दिएका हुन् ।
फेसबुकबाट तपाईको प्रतिक्रिया
बिचार/ब्लग
![](https://i0.wp.com/www.republicadainik.com/wp-content/uploads/2024/08/Sherbahadur-Deuba-4.jpg?resize=200%2C200)
सभापति देउवाद्वारा मेलमिलाप आयोगको छलफलमा राखिएको मन्तव्य
शेरबहादुर देउवा, सभापति, नेपाली कांग्रेस![](https://i0.wp.com/www.republicadainik.com/wp-content/uploads/2024/08/Kulman-Ghisingh-1.jpg?resize=200%2C200)
कुलमान घिसिङलाई भविष्यमा जेलमा थुन्न परेको जाहेरीको व्यहोरा
रमेशप्रसाद खरेल![](https://i0.wp.com/www.republicadainik.com/wp-content/uploads/2024/08/Swornim-Ravi.jpg?resize=200%2C200)
यसमा तपाइको मत