काठमाडौं । नेपाली सेनालाई टुँडीखेल नदिएका कारण काठमाडौंमा थारु समुदायले माघी महोत्वस मनाउन नपाउने अवस्था सिर्जना भैरहेका बेला सत्तारु नेपाल कम्युनिस्ट पार्टी (नेकपा)की सांसद एवम् नेतृ शान्ता चौधरीले बेवास्ता गरेकी छिन् ।

आइतबार बसेको संसदको बैठकमा शून्य समय लिएर धारण राखेकी सांसद चौधरीले ‘माघी पर्वको अवसरमा देश विदेशमा रहनुभएका थारु समुदायलाई शुभकामना छ’ मात्रै भनेकी थिइन् ।

तर, सांसद चौधरीले सेनाबाट थारु समुदायमाथि भएको अन्यायका बारेमा एक शब्द पनि बोलिनन् । नेकपाको नेतृ समेत रहेकी चौधरीले सेनाले टुँडीखेलमा माघी महोत्सव गर्न नदिएको बारेमा केही बोल्छिनकी भनेर धेरैले आशा लिएका थिए ।

टुँडीखेल नदिएको विषयमा सांसद चौधरीले एक शब्दा पनि नबोलेपछि धेरै थारु अगुवाहरूले चिन्ता जनाएका छन् ।

सत्ताको आडमा नेपाली सेनालाई दवाव दिएपछि टुँडीखेल थारु कल्याणकारिणी सभालाई नदिएर नेपाल मगर संघलाई टुँडीखेल उपलब्ध गराइएको छ ।

गारु अभियन्ता र नेताहरूले सेनाबाट भएको अन्यायपूर्ण व्यवहारको विरोध गरेका छन् । थारु युवाहरूले सामाजिक सञ्जालमा सेना र सत्ता पक्षको विरोध गरिरहेका छन् ।