सोमबार कम्युनिस्टहरूले देख्ने छन् देशैभरि प्रतिपक्ष दल कांग्रेसलाई

काठमाडौं । नेपाली कांग्रेसले कम्युनिस्ट सरकारको अधिनायकवादविरुद्ध सोमबार देशैभरि प्रदर्शन गर्दै छ ।

केन्द्रको निर्देशनअनुसार कांग्रेसका ७७ वटै जिल्लाहरूले कम्युनिस्ट सरकारविरुद्ध प्रदर्शन गर्नेछन् । सोमबारको प्रदर्शनको तयारी स्वरुप आइतबार दिनभरि कांग्रेसका नेताहरूले जिल्ला जिल्लामा विशेष योजना बनाएका छन् ।

खड्गप्रसाद ओली नेतृत्वको कम्युनिस्ट सरकारले अधिनायकवादको थालनी गरेको भन्दै कांग्रेसल सडक आन्दोलन घोषणा गरेको हो ।

कांग्रेसले आफ्ना केन्द्रीय नेताहरूलाई आफू अनुकूलका स्थानमा पुगेर सरकार विरोधी कार्यक्रममा सहभागी हुन निर्देशन दिएको छ ।

नेपाली कांग्रेसका प्रवक्ता विश्वप्रकाश शर्माले सोमबार देशभरि हुने सरकारविरुद्धको प्रदर्शनमा कम्युनिस्ट सरकारको अधिनायकवाद, शान्ति सुरक्षा, महँगी, भ्रष्टाचार लगायतका विरुद्ध नारावाजी हुने जानकारी दिए ।

Published : Sunday, 2019 February 3, 11:05 pm