कांग्रेसबाट निर्वाचित गाउँपालिकाका अध्यक्षको निधन
काठमाडौं । पाँचथरको फाल्गुनन्द गाउँपालिकाका अध्यक्ष अमर नेम्वाङको निधन भएको छ ।
शनिबार स्वास्थ्यमा समस्या देखाएपछि उपचारका लागि इलाम लगिएका नेम्बाङको इलाममै मृत्यु भएको हो ।
वडाले आयोजना गरेको क्षमता विकास तालिम कार्यक्रममा बोल्ने क्रममा बेहोस भएका उनलाई तत्काल उपचारका लागि इलाम लगिएको थियो ।
इलामबाट झापातर्फ लैजाने तयारी भैरहेका बेला अध्यक्ष नेम्वाङको निधन भएको प्रहरीले जनाएको छ ।
यसअघि इलामबाट हेलिकप्टरमार्फत काठमाडौं लैजाने तयारी गरिएको थियो । अवस्था जटिल भएपछि उनलाई काठमाडौं नलगिएको हो ।
शनिबार नियमित गाउँपालिकाको काम सुरु गरेका थिए । स्थानीय तहको निर्वाचनमा नेपाली कांग्रेसका तर्फबाट नेम्बाङ विजयी भएका थिए ।
साहित्यकारसमेत रहेका नेम्बाङ पाँचथरका अब्बल क्षमताका मानिन्थे । उनको निधनबाट नेपाली कांग्रेसलाई क्षति पुगेको छ ।
Published : Saturday, 2019 February 9, 7:29 pm
फेसबुकबाट तपाईको प्रतिक्रिया
बिचार/ब्लग
वीपीलाई यसरी स्मरण गर्छन् कान्छाे छाेरा डा.शशांक कोइराला
डा.शशांक कोइराला, नेता, नेपाली कांग्रेस
यसमा तपाइको मत