यी हुन् विभिन्न चार देशका नयाँ राजदूतहरू

काठमाडौं । राष्ट्रपति विद्यादेवी भण्डारीले विभिन्न देशका लागि नियुक्त राजदूतहरूलाई पद तथा गोपनीयताको शपथ दिलाएकी छिन् ।

राष्ट्रपतिको कार्यालय शीतलनिवासमा सोमबार आयोजित समारोहमा भण्डारीले राजदूतहरूलाई संयुक्त रुपमा शपथ दिलाएकी हुन् ।

शपथ लिनेमा संयुक्त अरब ईमिरेट्सका लागि नेपालको आवासीय राजदूत पदमा नियुक्त भएका कृष्णप्रसाद ढकाल, मलेसियाका लागि नेपालको आवासीय राजदूत उदयराज पाण्डे, कुवेतका लागि नेपालको आवासीय राजदूत दुर्गाप्रसाद भण्डारी र फ्रान्सका लागि नेपालको आवासीय राजदूत दीपक अधिकारीले राजदूत पदको, पद तथा गोपनीयताको शपथग्रहण गरेका हुन् ।

कार्यक्रममा परराष्ट्रमन्त्री प्रदीपकुमार ज्ञवालीलगायत नेपाल सरकारका उच्च पदस्थ अधिकारीहरूको समेत उपस्थिति रहेको थियो ।

Published : Monday, 2019 February 18, 7:00 pm