तारा एयरका दुई पाइलटबीच कुटाकुट, प्राधिकरणद्वारा दुबैलाई ग्राउण्डेड
![](https://i0.wp.com/www.republicadainik.com/wp-content/uploads/2023/11/Tara-Airlince.jpg?resize=810%2C405)
काठमाडौं । तारा एयरका पाइलटद्वय सञ्जीव श्रेष्ठ र सन्तोष साहबीच कुटाकुट भएपछि नेपाल नागरिक उड्डयन प्राधिकरणले दुबैलाई ग्राउण्डेड गरेको छ ।
शुक्रबार बिहान रामेछाप विमानस्थलमा श्रेष्ठ र साहबीच कुटाकुट भएको रामेछाप विमानस्थलका प्रमुख अशोक थापाले स्थानीय पत्रकारहरूलाई बताएका छन् । वरिष्ठ क्याप्टन साहले टुइनअटर जहाज लुक्लाबाट रामेछाप विमानस्थलमा अवतरण गराएका थिए । साहलाई मन्थलीमा ग्राउण्डेड गरिएको छ । जहाज लिएर लुक्ला उडेका क्याप्टन श्रेष्ठलाई लुक्लामै ग्राउण्डेड गरिएको छ ।
क्याप्टेन श्रेष्ठले साहलाई हातमिलाउने क्रममा धकेलेपछि कुटाकुट भएको थियो । उनीहरूका बीच एप्रोनमा कुटाकुट भएको बुझिएको छ । कुटाकुटको कारण खुलेको छैन । प्राधिकरणले घटनाको बारेमा आन्तरिक छानविन शुरु गरेको छ ।
शुक्रबार बिहान ८ बजे लुक्लाबाट आएको जहाजका क्याप्टेन सन्तोष साह र रामेछापबाट सोही जहाज लिएर लुक्ला जाने अर्का क्याप्टेन सञ्जीव श्रेष्ठबीच झगडा परेको प्राधिकरणका कर्मचारीहरूले बताएका छन् ।
कुटाकुट भएपछि क्याप्टेन साहको हातमा चोट लागेको छ । उनको मन्थली बजारमा उपचार भएको छ ।
कुटपिटमा संलग्न क्याप्टन श्रेष्ठसँग प्राधिकरण निकै क्रुद्ध बनेको छ । प्राधिकरणले क्याप्टेन श्रेष्ठको पाइलट इजाजतपत्र खारेज गर्नेसम्मको तयारी गरेको छ ।
बिचार/ब्लग
![](https://i0.wp.com/www.republicadainik.com/wp-content/uploads/2024/08/Sherbahadur-Deuba-4.jpg?resize=200%2C200)
सभापति देउवाद्वारा मेलमिलाप आयोगको छलफलमा राखिएको मन्तव्य
शेरबहादुर देउवा, सभापति, नेपाली कांग्रेस![](https://i0.wp.com/www.republicadainik.com/wp-content/uploads/2024/08/Kulman-Ghisingh-1.jpg?resize=200%2C200)
कुलमान घिसिङलाई भविष्यमा जेलमा थुन्न परेको जाहेरीको व्यहोरा
रमेशप्रसाद खरेल![](https://i0.wp.com/www.republicadainik.com/wp-content/uploads/2024/08/Swornim-Ravi.jpg?resize=200%2C200)
फेसबुकबाट तपाईको प्रतिक्रिया