एक हजार ६१ मेगावाटको माथिल्लो अरुण धेरै सस्तोमा बन्छ : अर्थमन्त्री डा.महत
![](https://i0.wp.com/www.republicadainik.com/wp-content/uploads/2023/11/Dr.-mahat.jpg?resize=810%2C467)
काठमाडौं । अर्थमन्त्री डा.प्रकाशशरण महतले संखुवासभामा निर्माण हुन लागेको एक हजार ६१ मेगावाटको माथिल्लो अरुण आयोजना धेरै सस्तो मूल्यमा बन्ने बताएका छन् ।
शुक्रबार संखुवासभामा माथिल्लो अरुण निर्माणस्थलको स्थलगत अनुगमनपछि उनले अरुण आयोजनाका लागि स्रोत जुटाउन समस्या नभएको बताए । उनले माथिल्लो अरुण निर्माणका लागि धेरै दाताहरूले चासो देखाइरहेको बताए ।
विश्व बैंकले अरुणका लागि विशेष सहभागिता जनाएको डा.महतले बताएका छन् । अर्थमन्त्री डा.महतले आयोजना तोकिएकै समयमा निर्माण सम्पन्न हुने बताएका छन् ।
उर्जामन्त्री शक्ति बस्नेतले माथिल्लो अरुण सबैका लागि गौरवको आयोजना भएको बताएका छन् ।
उनले १२ वर्षमा नेपालका विभिन्न स्थानबाट २५ हजार मेगावाट बिजुली निकाल्ने तयारीमा सरकार रहेको बताएका छन् ।
नेपाली कांग्रेसका सांसद दीपक खड्काले आयोजनाको शेयर हरेक घरधुरीले प्राथमिकताका साथ पाउनुपर्ने बताएका छन् । उनले आयोजनाबाट स्थानीयले पाउने सेवा सुविधाबाट वञ्चित हुनु नपर्ने बताएका छन् ।
विश्व बैंकका प्रतिनिधिले माथिल्लोअरुणको ड्यामसाईड, पावरहाउस र सुरुङमार्गको अवलोकन गरेका छन् ।
अवलोकनका लागि अर्थमन्त्री डा.महत, उर्जामन्त्री बस्नेत, कांग्रेसका सांसद खड्कासहित उर्जा सचिव, नेपाल विद्युत् प्राधिकरणका कार्यकारी निर्देशक कुलमान घिसिङ, विश्व बैंक निर्देशक लगायतको टोली सहभागी थिए ।
आयोजना प्रभावित क्षेत्रका ७८८ कित्तामध्ये ६९९ कित्ता काट गरिसकेको छ । आयोजनाका लागि भोटखोलामा दुई हजार ५ सय रोपनी जग्गा अधिग्रहण गरिएको छ । जलविद्युत् आयोजनाको अनुमानित लागत दुई खर्ब २६ करोड रुपियाँ बढी छ ।
सन् २०२४ को मध्यदेखि जलविद्युत् आयोजनाको निर्माण सुरु हुनेछ । हाइड्रोपावर निर्माण सुरु भएको ६ वर्षभित्र सम्पन्न गर्ने योजना छ ।
आयोजनाको ३० प्रतिशत पुँजी र ७० प्रतिशत स्वदेशी तथा विदेशी बैंक तथा वित्तीय संस्थासँग कर्जा जुटाइनेछ ।
बिचार/ब्लग
![](https://i0.wp.com/www.republicadainik.com/wp-content/uploads/2024/08/Sherbahadur-Deuba-4.jpg?resize=200%2C200)
सभापति देउवाद्वारा मेलमिलाप आयोगको छलफलमा राखिएको मन्तव्य
शेरबहादुर देउवा, सभापति, नेपाली कांग्रेस![](https://i0.wp.com/www.republicadainik.com/wp-content/uploads/2024/08/Kulman-Ghisingh-1.jpg?resize=200%2C200)
कुलमान घिसिङलाई भविष्यमा जेलमा थुन्न परेको जाहेरीको व्यहोरा
रमेशप्रसाद खरेल![](https://i0.wp.com/www.republicadainik.com/wp-content/uploads/2024/08/Swornim-Ravi.jpg?resize=200%2C200)
फेसबुकबाट तपाईको प्रतिक्रिया