दाङमा टोले गुण्डाहरुको बिगबिगी, घोराहीमा चक्कु प्रहार, कृतिकलाई काठमाडौं लगियो
![](https://i0.wp.com/www.republicadainik.com/wp-content/uploads/2023/11/Rambahadur-Kc-SP.jpg?resize=810%2C424)
काठमाडौं । दाङमा युवकलाई चक्कु प्रहार गर्ने तीन जना टोले गुण्डाहरुलाई प्रहरीले पक्राउ गरेको जनाएको छ ।
कात्तिक ३० राति पौने दश बजे घोराही उपमहानगरपालिका वडा नं. १५ गोर्खा हस्पिटल नजिकै हिँडिरहेको अवस्थामा भरतपुर बस्ने २१ वर्षीय कृतिक रोका मगरलाई चक्कु प्रहार भएको प्रहरीले जनाएको छ ।
कृतिकलाई घोराहीको वडा नं. ९ बस्ने २४ वर्षीय शैलेश शाह, २५ वर्षीय मिस्चल बुढा मगर, २५ वर्षीय नवराज श्रेष्ठलाई चक्कु प्रहार गरेको अभियोगमा पक्राउ गरिएको दाङ प्रहरीद्वारा जारी विज्ञप्तिमा उल्लेख छ ।
तीन जनाको समूहले तिखो बस्तुले पछाडिबाट ढाडमा प्रहार गर्दा ढाडमा गहिरो चोट लागेको छ । राप्ती स्वास्थ्य विज्ञान प्रतिष्ठानमा प्रारम्भीक उपचारपछि थप उपचार गर्न कोहलपुर मेडिकल कलेजमा पठाइएको छ । कोहलपुर मेडिकल कलेजमा पनि उपचार हुन नसकेपछि कृतिकलाई ललितपुरस्थित मेडिसिटी अस्पतालमा लगिएको छ ।
प्रहरीले शनिबार दिउँसो लुकेर बसेको अवस्थामा घोराहीको तेघराबाट शैलेश शाह, मिस्चल बुढा मगर र नवराज श्रेष्ठलाई पक्राउ गरेको छ । उनीहरुलाई कानूनअनुसार हदैसम्मको कारबाही हुने प्रहरीले जनाएको छ ।
दाङ जिल्लामा टोले गुण्डाहरु पछिल्लो समय निकै सलबलाउन थालेका छन् । देउखुरीमा पनि टोले गुण्डाहरुले निकै जालो फिजाएका छन् । घोराहीमा टोले गुण्डाहरुले चक्कु प्रहार गरेको घटना बाहिर आएपछि शान्ति सुरक्षालाई लिए चिन्ताको विषय बनेको छ ।
देउखुरीस्थित राप्ती नदीमा गुण्डा नाइके चक्रे मिलनको नामबाट केही टोली गुण्डाहरुले निकै आतंक मच्चाइरहेका छन् । प्रहरीले ती टोले गुण्डाहरुको अपराध रोक्नेतिर पनि ध्यान दिएको छैन ।
बिचार/ब्लग
![](https://i0.wp.com/www.republicadainik.com/wp-content/uploads/2024/08/Sherbahadur-Deuba-4.jpg?resize=200%2C200)
सभापति देउवाद्वारा मेलमिलाप आयोगको छलफलमा राखिएको मन्तव्य
शेरबहादुर देउवा, सभापति, नेपाली कांग्रेस![](https://i0.wp.com/www.republicadainik.com/wp-content/uploads/2024/08/Kulman-Ghisingh-1.jpg?resize=200%2C200)
कुलमान घिसिङलाई भविष्यमा जेलमा थुन्न परेको जाहेरीको व्यहोरा
रमेशप्रसाद खरेल![](https://i0.wp.com/www.republicadainik.com/wp-content/uploads/2024/08/Swornim-Ravi.jpg?resize=200%2C200)
फेसबुकबाट तपाईको प्रतिक्रिया