माओवादीका ‘माननीय’ ईन्द्रजित थारु देउखुरीमा होटलको दश हजार नतिरेर बेपत्ता
![](https://i0.wp.com/www.republicadainik.com/wp-content/uploads/2023/11/Indrajit-Tharu.jpg?resize=810%2C486)
काठमाडौं । नेकपा (माओवादी केन्द्र)का लुम्बिनी प्रदेशसभा सदस्य तथा प्रदेशका पूर्वमन्त्री ईन्द्रजित थारुले चुनावका बेला होटलमा कार्यकर्तालाई खुवाएको नास्ता, चिया, खानाको रकम नतिरेर बेपत्ता भएका छन् ।
दाङको क्षेत्र नं. १ प्रदेश सभा १ का प्रत्यक्षतर्फका तत्कालीन उम्मेदवार थारुले दश हजार रुपियाँ अहिलेसम्म तिरेका छैनन् । एक वर्ष अगाडि अर्थात मंसिर ४ गते भएको चुनावमा गठबन्धनको तर्फबाट उम्मेदवार बनेका थारु निर्वाचित भएका थिए । थारुले चुनावमा आफ्ना कार्यकर्ता र नेताहरुलाई खुवाएको नास्ता र खानाको रकम नतिरेको होटल सञ्चालक बासुदेव जैशीले बताएका छन् ।
दाङको देउखुरीस्थित राप्ती गाउँपालिकाको वडा नं. ३ मा रहेको गौमुखी रेष्टुरेन्ट एण्ड लजमा थारुले दश हजार तिर्न बाँकी छ । एक वर्ष भइसक्दा पनि थारुले रकम तिर्नेतर्फ ध्यान दिएका छैनन् । प्रदेशसभाबाट रकम तिर्न बाँकी रहेको होटल मुस्किलले आधा किलोमिटर मात्रै टाढा छ । सोही होटलको बाटो भएर थारु दैनिक हिँड्ने गर्छन् । रकम तिर्नेबारे सोँचेका पनि छैनन् ।
दश हजार रुपियाँको पान नम्बर ६१८५९००९४ सहितको बिल जारी भइसकेको होटल सञ्चालक बासुदेव जैशीले बताएका छन् । जैशीले भने, ‘हामी सानो लगानीमा होटल सञ्चालन गरेका हुन्छौँ । गाउँमा हाम्रो लागि दश हजार भनेको ठूलो रकम हो । त्यो रकमको बिल काटिसकिएको छ । ईन्द्रजित थारुज्यू लुम्बिनी प्रदेशका प्रदेशसभामा विजयी भइसक्नुभयो । रकम तिर्नेबारे चासो नै दिनु हुँदैन ।’
होटल सञ्चालक जैशीले पटक पटक प्रदेश सभा सदस्य तथा माओवादीका नेता थारुलाई फोन गरेर बिलको रकमका बारेमा जानकारी गराएका छन् । रकम तिर्नेबारेमा थारुले टेरपुच्छर लगाएका छैनन् ।
माओवादीका नेता थारुले सिसहनियालगायतका स्थानमा रहेका होटलहरुमा पनि नास्ता र खाना खुवाएवापतको रकम अहिलेसम्म नतिरेको धेरै व्यवसायीहरुको गुनासो छ ।
माओवादीका नेता थारुले अर्को पटक अर्थात २०८४ मा प्रतिनिधिसभातर्फ उम्मेदवार बन्ने बताउने गरेका छन् । अहिलेसम्म एक वर्ष अगाडि चुनावका बेला खर्च भएको होटलको रकम नतिरेका थारुले फेरि पनि कार्यकर्ता र नेताहरुलाई उद्यारोमा खाना, नास्ता खुवाएर जित्ने सोँच बनाएका हुन् कि भनेर देउखुरीमा चर्चा हुन थालेको छ ।
होटलमा रकम नतिरेको विषयमा प्रतिक्रिया लिन लुम्बिनी प्रदेशसभाका सदस्य तथा माओवादी केन्द्रका नेता थारुलाई सम्पर्क गर्दा सम्पर्क हुन सकेन ।
![](https://i0.wp.com/www.republicadainik.com/wp-content/uploads/2023/11/Indrajit-Tharu-Maobadi-Dang-Deukhuri-republicadainik-768x1024.jpg?resize=768%2C1024&ssl=1)
बिचार/ब्लग
![](https://i0.wp.com/www.republicadainik.com/wp-content/uploads/2024/08/Sherbahadur-Deuba-4.jpg?resize=200%2C200)
सभापति देउवाद्वारा मेलमिलाप आयोगको छलफलमा राखिएको मन्तव्य
शेरबहादुर देउवा, सभापति, नेपाली कांग्रेस![](https://i0.wp.com/www.republicadainik.com/wp-content/uploads/2024/08/Kulman-Ghisingh-1.jpg?resize=200%2C200)
कुलमान घिसिङलाई भविष्यमा जेलमा थुन्न परेको जाहेरीको व्यहोरा
रमेशप्रसाद खरेल![](https://i0.wp.com/www.republicadainik.com/wp-content/uploads/2024/08/Swornim-Ravi.jpg?resize=200%2C200)
फेसबुकबाट तपाईको प्रतिक्रिया