दुर्गा प्रसाईँलाई ओलीले सरकारविरुद्ध प्रयोग गरेका छन् : कांग्रेस नेता महर
![](https://i0.wp.com/www.republicadainik.com/wp-content/uploads/2023/11/Naisingh-Mahar.jpg?resize=810%2C497)
काठमाडौं । नेपाली कांग्रेसका केन्द्रीय सदस्य नैनसिंह महरले मेडिकल व्यवसायी दुर्गा प्रसाईंलाई एमाले र माओवादी केन्द्रको पालनकर्ता भएको बताएका छन् ।
शुक्रबार अर्घाखाँचीमा कांग्रेस अर्घाखाँचीको प्रथम जिल्ला सम्मेलनलाई सम्बोधन गर्दै महरले दुर्गा प्रसाईँले चलाएको अराजकतामा एमाले र माओवादी दुवै पार्टीको हिस्सेदारी रहेको बताए ।
नेता महरले राजाका नाममा भइरहेको अराजकताको जिम्मेवार मार्सी चामलको भात खाएर फोटो प्रकाशन गर्ने प्रधानमन्त्री पुष्पकमल दाहाल र पूर्वप्रधानमन्त्री केपी ओली भएको बताए ।
‘दुर्गा प्रसाईं एमाले र माओवादी केन्द्रको पालनकर्ता हो’, उनले भने, ‘आज अराजकताको जिम्मेवार मार्सी चामलको भात खाएर फोटो प्रकाशन गर्ने प्रधानमन्त्री पुष्पकमल दाहाल र पूर्व प्रधानमन्त्री केपी ओली हो र हुनुपर्छ ।’
ओली, प्रचण्ड र प्रसाईंबीचको अघोषित सम्बन्धका कारण अहिलेको स्थिति सिर्जना भएको महरले बताएका छन् ।
‘दुर्गा प्रसाईं हालको अवस्थामा पनि प्रधानमन्त्री दाहाल र एमाले अध्यक्ष ओलीको बराबर सम्पर्कमा छन्’, महरले भने, ‘उनीहरूको दोहोरो उक्साहटमा दुर्गा प्रसाईंले आन्दोलन गरिरहेका हुन् । यसमा राजाको पनि अप्रत्यक्ष साथ होला । बढी भूमिका दाहाल ओलीकै छ ।’
कांग्रेस नेता महरले भने, ‘ओलीले वर्तमान सत्ताका खिलापमा दुर्गा प्रसाईंलाई प्रयोग गर्न चाहिरहेको देखिन्छ ।’
‘दाहालले दुर्गा प्रसाईंको माध्यमबाट ओलीलाई तर्साउन चाहन्छन्’, उनले भने, ‘पुष्पकमल दाहाल र केपी ओलीका कमजोरीसँग दुर्गा प्रसाईं परिचित छन् ।’
दाहाल र ओलीका कमजोरी प्रसाईंलाई थाहा रहेकाले उनीहरू प्रसाईंको खिलापमा जान नसक्दा अराजकताले प्रशय पाइराखेको महरले बताएका छन् ।
कार्यक्रममा नेताहरू पुष्पा भुसाल, चन्द्र भण्डारी, चन्द्रबहादुर केसी, गगन थापा, अमरसिंह पुन लगायतको उपस्थिति रहेको थियो ।
![](https://i0.wp.com/www.republicadainik.com/wp-content/uploads/2023/11/403839365_3459632214366617_1169786709680922941_n-1.jpg?resize=960%2C720&ssl=1)
![](https://i0.wp.com/www.republicadainik.com/wp-content/uploads/2023/11/403839365_3459632214366617_1169786709680922941_n.jpg?resize=960%2C720&ssl=1)
बिचार/ब्लग
![](https://i0.wp.com/www.republicadainik.com/wp-content/uploads/2024/08/Sherbahadur-Deuba-4.jpg?resize=200%2C200)
सभापति देउवाद्वारा मेलमिलाप आयोगको छलफलमा राखिएको मन्तव्य
शेरबहादुर देउवा, सभापति, नेपाली कांग्रेस![](https://i0.wp.com/www.republicadainik.com/wp-content/uploads/2024/08/Kulman-Ghisingh-1.jpg?resize=200%2C200)
कुलमान घिसिङलाई भविष्यमा जेलमा थुन्न परेको जाहेरीको व्यहोरा
रमेशप्रसाद खरेल![](https://i0.wp.com/www.republicadainik.com/wp-content/uploads/2024/08/Swornim-Ravi.jpg?resize=200%2C200)
फेसबुकबाट तपाईको प्रतिक्रिया