मिश्रित समानुपातिक निर्वाचन प्रणाली खारेज गरौँ : कांग्रेस नेता महर
![](https://i0.wp.com/www.republicadainik.com/wp-content/uploads/2023/11/Naisingh-Mahar-2.jpg?resize=810%2C365)
काठमाडौं । नेपाली कांग्रेसका केन्द्रीय सदस्य नैनसिंह महरले संविधानमा सबै वर्ग र समुदायका कुरा अटाएको बताएका छन् ।
मंगलबार नेपाली कांग्रेस रुपन्देही जिल्लाको सम्मेलनलाई सम्बोधन गर्दै नेता महरले तत्कालीन अवस्थामा सम्झौता गरेर सबै राजनीतिक दलको साझा दस्तावेजका रूपमा संविधान आएको बताए । उनले संविधानको सफल कार्यान्वयन नै अहिले प्राथमिक विषय भएको बताएका छन् ।
‘अहिलेको संविधानमा सबै वर्ग र समुदायका कुरा अटाएका छन्’, उनले भने, ‘सबैका विचार अटाएका छन् । यो सबैको सम्झौताको दस्ताबेज भएकाले अहिले तलमाथि गर्ने र आधारभूत विषय फेर्ने प्रयास गर्नुहुँदैन ।’
‘त्यस्तो भयो भने फेरि देश दुर्घटनामा जान्छ । देश फेरि हिंसाको खाडलतर्फ जान सक्छ । यसतर्फ पनि कांग्रेसलगायत ठूला दल सजग बन्नुपर्छ’, उनले भने ।
उनले नेताहरू आफैँ संवैधानिक रूपमा अगाडि बढ्न नसके त्यस्को असर मुलुकलाई पर्ने र जनतामा निराशा छाउने बताएका छन् ।
नेता महरले प्रतिनिधि सभामा मिश्रित समानुपातिक निर्वाचन प्रणालीको व्यवस्था हटाउनुपर्ने बताएका छन् ।
मिश्रित समानुपातिक निर्वाचन प्रणालीको कुनै पनि दललाई बहुमत पुगाउन बाधा गरिरहेको र त्यसले विकासमा समेत असर पुगाइरहेको नेता महरले बताए । उनले समानुपातिक प्रणाली राष्ट्रिय सभामा गर्नुपर्ने बताएका छन् ।
उनले भने, ‘संविधानका निर्माण गर्दा नेताहरू नै संविधानप्रति बढी जिम्मेवार हुनुपर्छ । दुर्गा प्रसाईं र पूर्वराजा प्रवृतिमात्र संविधानको बरखिलापमा होइनन् ।’
‘परिवर्तनधारी दलको क्रियाकलाप पनि संविधान बचाउने खालको भएन’, कांग्रेस नेता महरले भनेका छन् ।
बिचार/ब्लग
![](https://i0.wp.com/www.republicadainik.com/wp-content/uploads/2024/08/Sherbahadur-Deuba-4.jpg?resize=200%2C200)
सभापति देउवाद्वारा मेलमिलाप आयोगको छलफलमा राखिएको मन्तव्य
शेरबहादुर देउवा, सभापति, नेपाली कांग्रेस![](https://i0.wp.com/www.republicadainik.com/wp-content/uploads/2024/08/Kulman-Ghisingh-1.jpg?resize=200%2C200)
कुलमान घिसिङलाई भविष्यमा जेलमा थुन्न परेको जाहेरीको व्यहोरा
रमेशप्रसाद खरेल![](https://i0.wp.com/www.republicadainik.com/wp-content/uploads/2024/08/Swornim-Ravi.jpg?resize=200%2C200)
फेसबुकबाट तपाईको प्रतिक्रिया