ईन्टरपोलमा नेपाल प्रहरीको भिडियो संसारकै उत्कृष्ट
![](https://i0.wp.com/www.republicadainik.com/wp-content/uploads/2023/11/Police.jpg?resize=810%2C436)
काठमाडौं । ईन्टरपोलद्वारा आयोजित युवा पुलिस नेताहरूको लागि ईन्टरपोल १०० ग्लोबल भिडियो प्रतियोगितामा नेपाल सर्वोत्कृष्ट भएको छ ।
मंसिर १२ देखि अष्ट्रियाको भियनामा आयोजना भइरहेको ईन्टरपोलको ९१औं महासभाको पहिलो दिन प्रतियोगिता भएको प्रहरीद्वारा जारी विज्ञप्तिमा उल्लेख छ ।
ईन्टरपोलका १९५ सदस्य राष्ट्रहरूमध्ये नेपाल सर्वोत्कृष्ट घोषित भएको हो ।
नेपाललाई प्रतिनिधित्व गर्दै नेपाल प्रहरीका प्रहरी निरीक्षक नारायण थापा र प्रहरी निरीक्षक उमेश गुरुङ श्रेष्ठद्वारा निर्माण गरिएको ‘ग्रह बचत गरौं’ विषयक सूचनामूलक छोटो भिडियो सर्वोत्कृष्ट घोषणा भएको विज्ञप्तिमा उल्लेख छ ।
भिडियोमा जलवायु परिवर्तन, प्राकृतिक प्रकोप, कृत्रिम बुद्धिमताका कारण भविष्यमा हुनसक्ने समस्याहरू समाधान गर्न र दिगो विकासको लक्ष्य प्राप्त गर्न यूएनको मुख्य साझेदारको रूपमा रहेको इन्टरपोलको अहम भूमिका हुने विषय समेटिएको छ ।
ईन्टरपोलका अध्यक्ष मेजर जनरल डा.अहमद नासेर अल–राइसीबाट नेपाल प्रहरीलाई सम्मान स्वरूप प्रमाणपत्र प्राप्त भएको छ ।
ईन्टरपोल स्थापनाको १०० वर्षलाई विशेष उत्सवको रूपमा मनाउन इन्टरपोल नवाचार केन्द्रद्वारा ‘२०३० मा सुरक्षित संसारको लागि इन्टरपोललाई कसरी जोड्ने र विश्वव्यापी कानून प्रवर्तनलाई सशक्त बनाउने परिकल्पना गर्नुहुन्छ ?’ विषयमा आधारित रहि भिडियो प्रतियोगितामा सहभागी हुन सम्पूर्ण १९५ सदस्य राष्ट्रहरूलाई आह्वान गरिएको थियो ।
महासभामा प्रहरी महानिरीक्षक बसन्तबहादुर कुँवरसहितको नेपाली प्रतिनिधि मण्डल सहभागी रहेको छ ।
![](https://i0.wp.com/www.republicadainik.com/wp-content/uploads/2023/11/interpol-2-1024x576.jpg?resize=1024%2C576&ssl=1)
![](https://i0.wp.com/www.republicadainik.com/wp-content/uploads/2023/11/interpol-1-1024x768.jpg?resize=1024%2C768&ssl=1)
बिचार/ब्लग
![](https://i0.wp.com/www.republicadainik.com/wp-content/uploads/2024/08/Sherbahadur-Deuba-4.jpg?resize=200%2C200)
सभापति देउवाद्वारा मेलमिलाप आयोगको छलफलमा राखिएको मन्तव्य
शेरबहादुर देउवा, सभापति, नेपाली कांग्रेस![](https://i0.wp.com/www.republicadainik.com/wp-content/uploads/2024/08/Kulman-Ghisingh-1.jpg?resize=200%2C200)
कुलमान घिसिङलाई भविष्यमा जेलमा थुन्न परेको जाहेरीको व्यहोरा
रमेशप्रसाद खरेल![](https://i0.wp.com/www.republicadainik.com/wp-content/uploads/2024/08/Swornim-Ravi.jpg?resize=200%2C200)
फेसबुकबाट तपाईको प्रतिक्रिया