ललितपुरमा गम्भीर दुर्घटना, पति-पत्नीको मृत्यु, खेतमा भेटियो गाडी
काठमाडौं । ललितपुरमा बोलेरो गाडीले मोटरसाइकललाई ठक्कर दिँदा दुई जनाको मृत्यु भएको छ ।
महालक्ष्मी नगरपालिका–६ लुभु सानागाउँमा हालसम्म नम्बर नखुलेको बोलेरो गाडीले बा.२९ प ९४८५ नम्बरको मोटरसाइकललाई बुधबार राति ठक्कर दिँदा मोटरसाइकलमा सवार २ जनाको मृत्यु भएको विज्ञप्तिमार्फत प्रहरीले जनाएको छ ।
मृत्यु हुनेहरूमा मोटरसाइकल चालक महालक्ष्मी नगरपालिका–८ लुभु घर भएका ४३ वर्षीय दिनेश श्रेष्ठ र उनकी श्रीमती ३७ वर्षीया संगीता श्रेष्ठ रहेका छन् ।
दुर्घटनामा गम्भीर घाइते भएका उनीहरूको किष्ट अस्पताल इमाडोलमा उपचारको क्रममा मृत्यु भएको हो ।
दुर्घटनामा संलग्न शंकास्पद बलेरो गाडीलाई लुभुस्थित खेतबाट प्रहरीले नियन्त्रणमा लिएको छ ।
हाल फरार गाडी चालकको प्रहरीले खोजी गरिरहेको छ । दुर्घटनाका सम्बन्धमा प्रहरीले आवश्यक अनुसन्धान गरिरहेको जनाएको छ ।
Published : Thursday, 2023 November 30, 4:37 pm
बिचार/ब्लग
मुकुलले हिरासतमा रहेका रविलाई सम्झिए
मुकुल ढकाल
वीपीलाई यसरी स्मरण गर्छन् कान्छाे छाेरा डा.शशांक कोइराला
डा.शशांक कोइराला, नेता, नेपाली कांग्रेस
फेसबुकबाट तपाईको प्रतिक्रिया