ओखलढुङ्गा कांग्रेसका पूर्वसभापति गिरीको निधन, खतिवडाद्वारा श्रद्धाञ्जलि व्यक्त
![](https://i0.wp.com/www.republicadainik.com/wp-content/uploads/2023/12/Duryodhan-Giri-Okhaldhunga-.jpg?resize=810%2C477)
काठमाडौं । नेपाली कांग्रेस ओखलढुङ्गाका पूर्वसभापति दुर्योधन गिरीको ७८ वर्षको उमेरमा निधन भएको छ ।
शुक्रबार बिहान गिरीको उपचारका क्रममा ललितपुरस्थित स्टार अस्पतामा निधन भएको नेपाली कांग्रेसका नेता समेत रहेका राज्य व्यवस्था तथा सुशासन समितिका सभापति रामहरि खतिवडाका स्वकीय सचिव हुकुम राईले बताए ।
प्रजातन्त्र सेनानी समेत रहेका गिरीको पशुपति आर्यघाटमा अन्तिम दाहासंस्कार गरिएको छ ।
पूर्वसभापति गिरीको निधनप्रति कांग्रेस नेता एवम् समितिका सभापति खतिवडाले गहिरो दु:ख व्यक्त गर्दै श्रद्धाञ्जलि अर्पण गरेका छन् । खतिवडाले भने, ‘ओखलढुङ्गा कांग्रेसका पूर्व पार्टी सभापति आदरणीय दुर्योधन गिरीज्यूको निधनबाट ओखलढुङ्गा कांग्रेसलाई ठूलो क्षति भएको छ । उहाँको निधनप्रति गहिरो दु:ख व्यक्त गर्दछु । शोकमा रहेका परिवारजनप्रति समवेदना प्रकट गर्दछु ।’
सभापति खतिवडाले स्व.गिरीका परिवारजनप्रति समवेदना प्रकट गरेका छन् ।
चम्पादेवीका स्थायी बासिन्दा गिरीको जन्म २००२ साल फागुन २६ गते भएको थियो । एक छोरा र १ छोरीका पिता गिरीकी पत्नीको निधन भइसकेको छ ।
बिचार/ब्लग
![](https://i0.wp.com/www.republicadainik.com/wp-content/uploads/2024/08/Sherbahadur-Deuba-4.jpg?resize=200%2C200)
सभापति देउवाद्वारा मेलमिलाप आयोगको छलफलमा राखिएको मन्तव्य
शेरबहादुर देउवा, सभापति, नेपाली कांग्रेस![](https://i0.wp.com/www.republicadainik.com/wp-content/uploads/2024/08/Kulman-Ghisingh-1.jpg?resize=200%2C200)
कुलमान घिसिङलाई भविष्यमा जेलमा थुन्न परेको जाहेरीको व्यहोरा
रमेशप्रसाद खरेल![](https://i0.wp.com/www.republicadainik.com/wp-content/uploads/2024/08/Swornim-Ravi.jpg?resize=200%2C200)
फेसबुकबाट तपाईको प्रतिक्रिया