गगन, ओली र रविको मिसन ०८४ को विश्वप्रकाशद्वारा विरोध
![](https://i0.wp.com/www.republicadainik.com/wp-content/uploads/2023/12/Biswa_Prakash_Sharma.jpg?resize=810%2C404)
बागलुङ । नेपाली कांग्रेसका महामन्त्री विश्वप्रकाश शर्माले अर्का महामन्त्री गगनकुमार थापाले भन्दै आएको मिसन ०८४ को विरोध गरेका छन् ।
शनिबार बागलुङ २ को क्षेत्रीय सम्मेलनलाई सम्बोधन गर्दै शर्माले देश विकासका लागि मिसन २०८४ होइन, भिजन २०९५ भन्नुपर्ने बताए ।
महामन्त्री शर्माले ०८४ मात्रै नभएर त्यसअघि र पछि पनि चुनाव हुने बताएका छन् ।
उनले भने, ‘मिसन २०८४ किन भन्ने ? चुनावको बेलै नआइ किन मिसन भन्नुपर्यो । जनताले मिसन २०८४ भन्नेहरूलाई जहिले चुनावको चिन्ता गर्छौं ।’
‘तिमीले देश विकासको चिन्ता कहिले गर्छौं ? भनेर प्रश्न गर्नुपर्छ’, महामन्त्री शर्माले भनेका छन् ।
देशको चिन्ता गर्नुपर्ने र त्यसको लागि भिजन २०९५ को लागि सबै दलले तयारी गर्नुपर्ने उनले बताएका छन् ।
देशमा केही नभएको हल्ला गरेपनि विकास भइरहेको उनले बताएका छन् । ‘देश विकासका लागि अझै गर्नुपर्छ र गर्न सकिन्छ । गाली गरेरमात्र देश बन्दैन, समन्वय गरेर देश बन्छ’, उनले भने ।
शर्माले राजा हुँदा देशको ९ प्रतिशत नागरिकका घरमा पुगेको विद्युतीकरण अहिले ९५ प्रतिशत नागरिकसम्म पुगेको बताएका छन् ।
अहिलेको व्यवस्था केही पनि भएन भन्नेलाई त्यो गतिलो उदाहरण भएको महामन्त्री शर्माले बताएका छन् ।
बिचार/ब्लग
![](https://i0.wp.com/www.republicadainik.com/wp-content/uploads/2024/08/Sherbahadur-Deuba-4.jpg?resize=200%2C200)
सभापति देउवाद्वारा मेलमिलाप आयोगको छलफलमा राखिएको मन्तव्य
शेरबहादुर देउवा, सभापति, नेपाली कांग्रेस![](https://i0.wp.com/www.republicadainik.com/wp-content/uploads/2024/08/Kulman-Ghisingh-1.jpg?resize=200%2C200)
कुलमान घिसिङलाई भविष्यमा जेलमा थुन्न परेको जाहेरीको व्यहोरा
रमेशप्रसाद खरेल![](https://i0.wp.com/www.republicadainik.com/wp-content/uploads/2024/08/Swornim-Ravi.jpg?resize=200%2C200)
फेसबुकबाट तपाईको प्रतिक्रिया