दाङमा पैसा असुल्न पुरुष फसाएर धन्दा गर्ने ३ महिलालाई कैद र जरिवाना फैसला
![](https://i0.wp.com/www.republicadainik.com/wp-content/uploads/2023/12/Dang-Mahila.jpg?resize=810%2C460)
घोराही । जिल्ला अदालत दाङले एक पुरुषलाई परिबन्दमा पारेर १८ लाख रुपियाँ असुलेको आरोपमा तीन महिलालाई डेढ वर्ष कैद सजाय सुनाएको छ ।
जिल्ला न्यायाधीश जगतबहादुर पौडेलको एकल इजलासले तीन जना महिलालाई कैद सजाय सुनाएको हो । दाङका एक पुरुषलाई होटेलमा खाजा खान बोलाएर बलात्कारको मुद्दा हाल्ने धम्की दिँदै १८ लाख रुपियाँ असुलेको आरोपमा अदालतले जनही डेढ वर्ष कैद र जरिवाना गर्ने फैसला गरेको छ ।
घोराही उप–महानगरपालिका–१५ की ३२ वर्षीया सीतादेवी थापालाई डेढ वर्ष कैद र १५ हजार रुपियाँ अदालतले सजाए सुनाएको छ ।
३५ वर्षीया खुमा वली र ३२ वर्षीया सुष्मा परियारलाई डेढ वर्ष कैदसँगै जनही १० हजार रुपियाँको फैसला भएको जिल्ला अदालत दाङका श्रेस्तेदार दामोदर घिमिरेले बताएका छन् ।
२०७८ असोज ३ गते पक्राउ परेका उनीहरूले ती पुरुषसँग ५० लाख रुपियाँको बार्गेनिङ गरेका थिए । पछि १८ लाख लिएको प्रहरी अनुसन्धानबाट खुलेको थियो ।
महिलाहरूले ती पुरुषबाट १ लाख नगद र १७ लाख रुपियाँको चेक बुझेका थिए ।
महिलाहरूविरुद्ध मुलुकी अपराध संहिता २०७४ को ठगी, आपराधिक विश्वासघातसम्बन्धी कसूरको अभियोग लगाइएको थियो ।
बिचार/ब्लग
![](https://i0.wp.com/www.republicadainik.com/wp-content/uploads/2024/08/Sherbahadur-Deuba-4.jpg?resize=200%2C200)
सभापति देउवाद्वारा मेलमिलाप आयोगको छलफलमा राखिएको मन्तव्य
शेरबहादुर देउवा, सभापति, नेपाली कांग्रेस![](https://i0.wp.com/www.republicadainik.com/wp-content/uploads/2024/08/Kulman-Ghisingh-1.jpg?resize=200%2C200)
कुलमान घिसिङलाई भविष्यमा जेलमा थुन्न परेको जाहेरीको व्यहोरा
रमेशप्रसाद खरेल![](https://i0.wp.com/www.republicadainik.com/wp-content/uploads/2024/08/Swornim-Ravi.jpg?resize=200%2C200)
फेसबुकबाट तपाईको प्रतिक्रिया