दश क्वीन्टल गाँजासहित धनकुटाका राई पक्राउ

काठमाडौं । सप्तरी जिल्लामा १० क्वीन्टल ६ किलो गाँजासहित एक जना पक्राउ परेका छन् ।

खडक नगरपालिका–७ कल्याणपुर चोकबाट १० क्वीन्टल ६ किलो अवैध गाँजा र १ लाख रूपियाँसहित ३२ वर्षीय विशेष राईलाई पक्राउ गरिएको विज्ञप्तिमा उल्लेख छ ।

राई धनकुटाको शहीदभूमि गाउँपालिका–४ निवासी हुन् । उनलाई शुक्रबार राति प्रहरीले पक्राउ गरेको जनाएको छ ।

जिल्ला प्रहरी कार्यालय सप्तरी र ईलाका प्रहरी कार्यालय कल्याणपुरबाट खटिएका संयुक्त प्रहरीले बालुवा लोड भएको को.१ ख ५८३१ नम्बरको टिपरलाई जाँच गर्ने क्रममा बालुवाभित्र लुकाई छिपाई २८ वटा बोरामा राखेको उक्त परिमाणको गाँजा फेला पारी टिपर चालक राईलाई पक्राउ गरेको हो ।

Published : Saturday, 2024 January 6, 9:32 pm