पेलेरै जाने एमालेको रणनीति
![](https://i0.wp.com/www.republicadainik.com/wp-content/uploads/2024/02/Kp-Oli-Uml.jpg?resize=810%2C447)
काठमाडौं । प्रमुख प्रतिपक्ष दल नेकपा (एमाले)ले प्रतिनिधिसभामा सत्तापक्षलाई निकै असहयोग गर्ने रणनीति बनाएको छ ।
प्रतिनिधिसभाको बैठक सोमबारदेखि सुरु हुन लागेको छ । संसद सुरु हुनुभन्दा एकदिन पहिला एमालेले संसदीय दलको बैठक बोलाएर आफ्ना सांसदहरूलाई तयारी अवस्थामा रहन निर्देशन दिएको छ । एमालेले संसदलाई सहज रुपमा अगाडि बढ्न दिने मुडमा छैन ।
एमालेका अध्यक्ष केपी ओलीले वर्तमान सरकारको गलत नीतिका कारण मुलुक कमजोर भइरहेको कठोर टिप्पणी गर्दै आएका छन् । ओलीका टिप्पणी र अभिव्यक्तिहरूमा सरकारलाई संसदमा निकै कठिन अवस्था सिर्जना हुनेछन् ।
ओलीले सत्ता गठबन्धनलाई भत्काउन निकै प्रयासहरू गरिरहेका छन् । सत्यनिरुपण तथा मेलमिलाप सम्बन्धी विधेयकलाई एमालेले अड्काएर राखेको छ । शान्ति प्रक्रियासम्बन्धी विधेयकलाई सहज रुपमा अगाडि बढाउने पक्षमा एमाले छैन ।
एमालेको समर्थन र सहयोगविना विधेयक अगाडि बढ्ने अवस्थामा छैन । सभामुख एमालेका सांसद देवराज घिमिरे छन् । घिमिरेले ओलीकै निर्देशन र आदेशमा संसदमा गतिविधि गर्नेछन् । विगतमा पनि घिमिरेले निष्पक्ष रुपमा संसद चलाउन नसकेको भनेर आलोचना भइसकेको छ ।
एमालेले आवश्यक पर्दा निरन्तर संसद अवरोध पनि गर्न सक्नेछ । ओलीले संसदीय दलको बैठकमा दिएको निर्देशनले सदन सहज रुपमा अगाडि बढ्ने अवस्थामा छैन ।
सत्ता हातबाट फुत्किएको पीडा ओलीलाई निकै छ । सरकारले गरेका हरेक काम र निर्णयमा एमालेका नेताहरूलाई मन परेको छैन । एमालेले रचनात्मक कदम उठाउँछ वा इगो लिएर अगाडि बढ्छ दुई वटा बैठकबाटै देखिनेछ ।
नेकपा एमाले संसदीय दलको बैठकले संसद् र समिति बैठकमा अनिवार्य उपस्थित हुन आफ्ना सांसदलाई निर्देशन दिएको छ ।
![](https://i0.wp.com/www.nepalpress.com/wp-content/uploads/2023/12/900x1003.gif?ssl=1)
![](https://i0.wp.com/www.nepalpress.com/wp-content/uploads/2024/01/290-3-product-adaptation-for-Online-portal_900x100px.gif?ssl=1)
आइतबार सम्पन्न दलको बैठकले बैठकहरूमा अनिवार्य उपस्थित भएर प्रभाकारी भूमिका खेल्न निर्देशन दिएको प्रमुख सचेतक पदम गिरीले बताए ।
यस्तैले संसद्को अधिवेशनमा संविधान कार्यान्वयनका लागि आवश्यक कानून निर्माण, सामाजिक न्याय, सुशासन, समृद्धि र राष्ट्रिय हितका सवारीमा प्रभावकारी भूमिका खेल्न पनि निर्देशन दिएको उनले बताए ।
युवा पलायन रोक्न र पश्चिम एसियामा बिग्रँदो शान्ति सुरक्षाको अवस्था लाई मध्यनजर गरी अप्ठ्यारोमा रहेका नेपाली युवाहरू लाई अविलम्ब स्वदेश फर्काउन पनि सरकारलाई आग्रह गरेको छ ।
यस्तै पूर्व मन्त्री तथा प्रतिनिधिसभा सदस्य वसन्त नेम्बाङ बिरामी भई हाल उपचारार्थ रहेकोमा उनको शीघ्र स्वास्थ्य लाभको कामना पनि बैठकले गरेको छ ।
बिचार/ब्लग
![](https://i0.wp.com/www.republicadainik.com/wp-content/uploads/2024/08/Sherbahadur-Deuba-4.jpg?resize=200%2C200)
सभापति देउवाद्वारा मेलमिलाप आयोगको छलफलमा राखिएको मन्तव्य
शेरबहादुर देउवा, सभापति, नेपाली कांग्रेस![](https://i0.wp.com/www.republicadainik.com/wp-content/uploads/2024/08/Kulman-Ghisingh-1.jpg?resize=200%2C200)
कुलमान घिसिङलाई भविष्यमा जेलमा थुन्न परेको जाहेरीको व्यहोरा
रमेशप्रसाद खरेल![](https://i0.wp.com/www.republicadainik.com/wp-content/uploads/2024/08/Swornim-Ravi.jpg?resize=200%2C200)
फेसबुकबाट तपाईको प्रतिक्रिया