कांग्रेसका कारण प्रचण्ड सरकार अल्पमतमा, विश्वासको मत लिनुपर्ने
![](https://i0.wp.com/www.republicadainik.com/wp-content/uploads/2024/03/Deuba-Niwas-Budanilkantha-C.jpg?resize=810%2C460)
काठमाडौं । नेपाली कांग्रेसले नेकपा (माओवादी केन्द्र)का नेतृत्वको सरकारलाई दिएको समर्थन फिर्ता लिएको छ ।
मंगलबार काठमाडौंको बुढानिलकण्ठस्थित सभापति शेरबहादुर देउवाको निवासमा बसेको केन्द्रीय कार्यसम्पादन समितिको बैठकले प्रधानमन्त्री पुष्पकमल दाहाल नेतृत्वको सरकारलाई दिएको समर्थन फिर्ता लिने निर्णय गरेको हो ।
पत्रकारहरुसँग कुरा गर्दै उपसभापति धनराज गुरुङले भने, ‘पुष्पकमल दाहाल ‘प्रचण्ड’लाई हामीले दिएको समर्थन फिर्ता लिने निर्णय भएको छ ।’
कांग्रेसले सरकारलाई दिएको समर्थन फिर्ता लिएपछि प्रधानमन्त्री दाहालको सरकारले विश्वासको मत लिनुपर्ने भएको छ । सरकार अल्पमतमा परेपनि नयाँ गठबन्धनका कारण बहुमत पुग्नेछ ।
प्रधानमन्त्री दाहालले सोमबार नेकपा (एमाले)सँग नयाँ गठबन्धन गरेका छन् । दाहालले कांग्रेससहित सबै दलबाट बनेका मन्त्रीहरुलाई बर्खास्त गरेर नयाँ मन्त्रिपरिषद बनाएका छन् ।
गुरुङले भने, ‘हामीले पुष्पकमल दाहाललाई जुन समर्थन गरेका थियौँ, विश्वासको मत दिएका थियौँ, आजको बैठकबाट हामीले गरेको समर्थन फिर्ता लिएका छौँ ।’
कांग्रेसले इलाम र बझाङको चुनावका लागि दल दर्ता गर्ने निर्णय गरेको उपसभापति गुरुङले बताएका छन् ।
इलाम र बझाङको उपनिर्वाचनका लागि निर्वाचन आयोगमा दल दर्ता गर्ने निर्णय पनि गरेको छ । कांग्रेसले वैशाखमा हुने उपनिर्वाचनमा एक्लै चुनाव लड्ने छ ।
बिचार/ब्लग
![](https://i0.wp.com/www.republicadainik.com/wp-content/uploads/2024/08/Sherbahadur-Deuba-4.jpg?resize=200%2C200)
सभापति देउवाद्वारा मेलमिलाप आयोगको छलफलमा राखिएको मन्तव्य
शेरबहादुर देउवा, सभापति, नेपाली कांग्रेस![](https://i0.wp.com/www.republicadainik.com/wp-content/uploads/2024/08/Kulman-Ghisingh-1.jpg?resize=200%2C200)
कुलमान घिसिङलाई भविष्यमा जेलमा थुन्न परेको जाहेरीको व्यहोरा
रमेशप्रसाद खरेल![](https://i0.wp.com/www.republicadainik.com/wp-content/uploads/2024/08/Swornim-Ravi.jpg?resize=200%2C200)
फेसबुकबाट तपाईको प्रतिक्रिया