तत्कालीन गृहमन्त्री र एआईजीको आदेश मानेर गलत हर्कत गर्ने एसपी र २ डीएसपीलाई कारबाही
![](https://i0.wp.com/www.republicadainik.com/wp-content/uploads/2024/03/CIB.jpg?resize=810%2C370)
काठमाडौं । सुन काण्डमा मुछिएपछि जिल्ला प्रहरी कार्यालय नुवाकोटका प्रहरी प्रमुख (एसपी) सञ्जयसिंह थापा कारबाहीमा परेका छन् ।
शुक्रबार कारबाही स्वरुप एसपी थापालाई हेडक्वाटर तानिएको छ । सुन काण्डमा आरोपीहरूलाई बचाएको पुरस्कार स्वरुप तत्कालीन गृहमन्त्री नारायणकाजी श्रेष्ठले एसपी थापालाई नुवाकोट जिल्लाको प्रमुखको जिम्मेवारी दिएका थिए ।
सुनकान्डको अनुसन्धानमा आरोपीलाई उन्मुक्ति दिन खोजेको जाँचबुझ आयोगले प्रतिवेदन बुझाएपछि केन्द्रीय अनुसन्धान ब्यूरोका तत्कालीन एसपी थापा तानिएका हुन् । थापालाई कारबाही गर्न आयोगले सिफारिस गरेको थियो ।
केन्द्रीय अनुसन्धान व्यूरो (सीआईबी)मा कार्यरत डीएसपीद्वय रुगम कुँवर र दुर्गा दाहाललाई पनि हेडक्वार्टर तानिएको छ । कुँवर र दाहाललाई कारबाहीको लागि सिफारिस गरिएको छ । उनीहरू सीआईबीमा कार्यरत थिए ।
तत्कालीन गृहमन्त्री नारायणकाजी श्रेष्ठ र सीआईबी प्रमुख (एआईजी) किरण बज्राचार्यले मोटो रकम बुझेर सुन काण्डका धेरै आरोपीहरूलाई उन्मुक्ति दिएको आरोप पनि छ । केही आरोपीलाई जबरजस्ती फसाइएको र केही आरोपीलाई अनुसन्धानको दायरामा नै नल्याइएको आरोप छ ।
व्यापारी जीवन चलाउनेलाई सुन तस्करी प्रकरणमा जबरजस्ती तानिएको आरोप छ । चलाउनेले आफूलाई सुन तस्करी प्रकरणमा जबरजस्ती फसाइएको दाबी गरेका छन् । भिडियो सन्देशमा उनले आफू निर्दोष रहेको र एआईजी श्यामलाल ज्ञवालीले फसाएको आरोप लगाएका छन् ।
प्रहरीको परार सूचीमा रहेका चलाउनेले केही दिनभित्रै आत्मसमर्पण गर्ने बताएका छन् । उनले प्रहरीका उच्च अधिकारीहरूले रकम माग गरेको पनि बताएका छन् ।
सुन प्रकरणको अनुसन्धान भइरहेका बेला तत्कालीन गृहमन्त्री श्रेष्ठले मम बोकेर सीआईबी मुख्यालय महाराजगञ्ज पुगेर माओवादीका नेता कार्यकर्तालाई बचाउन आदेश दिएको आरोप छ ।
बिचार/ब्लग
![](https://i0.wp.com/www.republicadainik.com/wp-content/uploads/2024/08/Sherbahadur-Deuba-4.jpg?resize=200%2C200)
सभापति देउवाद्वारा मेलमिलाप आयोगको छलफलमा राखिएको मन्तव्य
शेरबहादुर देउवा, सभापति, नेपाली कांग्रेस![](https://i0.wp.com/www.republicadainik.com/wp-content/uploads/2024/08/Kulman-Ghisingh-1.jpg?resize=200%2C200)
कुलमान घिसिङलाई भविष्यमा जेलमा थुन्न परेको जाहेरीको व्यहोरा
रमेशप्रसाद खरेल![](https://i0.wp.com/www.republicadainik.com/wp-content/uploads/2024/08/Swornim-Ravi.jpg?resize=200%2C200)
फेसबुकबाट तपाईको प्रतिक्रिया