गृहमन्त्री लामिछानेले डिएसपीबाट एसपी बढुवामा भाँडभैलो गरेपछि संसदमा कांग्रेसले कुरा उठायो
![](https://i0.wp.com/www.republicadainik.com/wp-content/uploads/2024/04/Arjun-narsingh-Kc.jpg?resize=810%2C504)
काठमाडौं । नेपाली कांग्रेसका सांसद अर्जुननरसिंह केसीले डिएसपीबाट एसपीमा बढुवा सिफारिस गर्ने सरकारको निर्णय खोटपूर्ण रहेको भन्दै विरोध गरेका छन् ।
सोमबार बसेको प्रतिनिधि सभाको बैठकमा शून्य समय लिएर बोल्दै सांसद केसीले भने, ‘हालै नेपाल प्रहरीका १२ जना डिएसपीबाट ८ जना एसपीको बढुवा हुँदा बरिष्ठतम् १ र ६ लाई पाखापार्दै सत्ता गठबन्धन सिण्डिकेटको नियोजित अन्यायबाट सरकारको सुशासनको नाङ्गो धज्जी उडेको छ ।’
‘भनाइ र गराइमा ठूलो विषमता देखाएको छ’, उनले भने, ‘राज्यको विधि पालना र दण्ड व्यवस्थापनमा करुण वा क्षमाको बहानामा दण्डनीय कसूरलाई उन्मुक्ति दिने व्याप्त भ्रष्टाचार जन्य अपराध र विधि विहीनतालाई करुणाको जामामा चोखिने र चोख्याउँदै जाने हालको गतिविधिले भ्रष्टाचारको दुष्चक्रबाट उन्मुक्ति र सुशानको नारा केवल झुठको पुलिन्दा हुँदैछ ।’
सांसद केसीले भने, ‘खर्बौं भ्रष्टाचार, एनसेल र सुन काण्डको प्रतिवेदन अहिलेसम्म किन आएन तुरुन्त सदनमा प्रस्तुत होस् ।’
गृहमन्त्री रवि लामिछानेले डिएसपीबाट एसपीमा बढुवा गर्न सिफारिस गरेका केही डिएसपीहरू प्रधानमन्त्री पुष्पकमल दाहाल ‘प्रचण्ड’ र एमालेका अध्यक्ष केपी ओलीका पूर्व सुरक्षा अङ्गहरू छन् । कतिपय डिएसपी काबिल हुँदाहुँदै गृहमन्त्री लामिछानेले छुटाएका छन् । ईन्स्पेक्टरबाट डिएसपी बढुवामा पहिलो नम्बरमा परेका डिएसपीलाई लामिछानेले बढुवामै छुटाएका छन् ।
बिचार/ब्लग
![](https://i0.wp.com/www.republicadainik.com/wp-content/uploads/2024/08/Sherbahadur-Deuba-4.jpg?resize=200%2C200)
सभापति देउवाद्वारा मेलमिलाप आयोगको छलफलमा राखिएको मन्तव्य
शेरबहादुर देउवा, सभापति, नेपाली कांग्रेस![](https://i0.wp.com/www.republicadainik.com/wp-content/uploads/2024/08/Kulman-Ghisingh-1.jpg?resize=200%2C200)
कुलमान घिसिङलाई भविष्यमा जेलमा थुन्न परेको जाहेरीको व्यहोरा
रमेशप्रसाद खरेल![](https://i0.wp.com/www.republicadainik.com/wp-content/uploads/2024/08/Swornim-Ravi.jpg?resize=200%2C200)
फेसबुकबाट तपाईको प्रतिक्रिया