विभाजित हुनु हुँदैन, नेता र कार्यकर्ताले बुझ्न आवश्यक छ : कांग्रेस नेता सिटौला
![](https://i0.wp.com/www.republicadainik.com/wp-content/uploads/2019/06/Krishnaprasad-Sitaula-1.jpg?resize=800%2C475)
काठमाडौं । राष्ट्रिय सभामा नेपाली कांग्रेस संसदीय दलका नेता कृष्णप्रसाद सिटौलाले राजनीतिक दलहरू आपसमा विभाजित भए पनि समाजिक एकता र देश विकासका लागि एक ठाउँमा उभिनुपर्ने बताएका छन् ।
बुधबार काठमाडौंमा आयोजित कार्यक्रममा उनले राजनीतिक दलहरू आपसमा विभाजित भएपनि समाजलाई विभाजनको बाटोतर्फ लैजान नहुने बताए ।
‘हामी विभिन्न राजनीतिक दलमा विभाजित भएका छौँ’, उनले भने, ‘हामीले विभाजित भएर समाजलाई हिनाउने होइन, सबै राजनीतिक दलका नेता र कार्यकर्ताले यो कुरा बुझ्न आवश्यक छ ।’
एकआपसमा दलहरू झगडा र विरोध गरेर समाज विकास नहुने उनले बताए । सिङ्गो नेपाल र नेपाली जनताको बारेमा सोँचेर राजनीतिक दलले एकठाउँमा उभिएर काम गरे मात्र राष्ट्र बलियो हुने सिटौलाले बताएका छन् ।
शहीद गंगालाल श्रेष्ठको योगदानको स्मरण गरेका नेता सिटौलाले विभिन्न आन्दोलनहरूमा ज्यानको आहुती दिएका शहीदहरूले देश विकासका लागि देखेका सपना पूरा गर्न सरकारमा सहभागी सबै दलहरू एकजुट हुन आवश्यक भएको बताए ।
उनले राष्ट्रलाई बलियो बनाउने अभियानको थालनी समाजबाटै गर्नुपर्ने बताएका छन् ।
शहीदहरूको आम जनताको अधिकार प्राप्ति, आर्थिक प्रगति, सामाजिक सदभाव एवम् सिंगो राष्ट्रिय एकताका लागि सबै लाग्नुपर्ने उनले बताएका छन् ।
‘हामीले ठूल्ठूला राजनीतिक आन्दोलन गरेर देशलाई यहाँसम्म ल्याएका छौँ’, सिटौलाले भने, ‘अब समाजलाई सही बाटोमा हिँडाउने, समाजमा कोही पनि मानिस पछि नपरोस् भनेर सोच्ने बेला आएको छ ।’
‘आर्थिक रूपमा पछाडि परेकाहरूको लागि हामीले गम्भीर भएर सोच्नुपर्ने बेला आएको छ’, कांग्रेस नेता सिटौलाले भनेका छन् ।
बिचार/ब्लग
![](https://i0.wp.com/www.republicadainik.com/wp-content/uploads/2024/08/Sherbahadur-Deuba-4.jpg?resize=200%2C200)
सभापति देउवाद्वारा मेलमिलाप आयोगको छलफलमा राखिएको मन्तव्य
शेरबहादुर देउवा, सभापति, नेपाली कांग्रेस![](https://i0.wp.com/www.republicadainik.com/wp-content/uploads/2024/08/Kulman-Ghisingh-1.jpg?resize=200%2C200)
कुलमान घिसिङलाई भविष्यमा जेलमा थुन्न परेको जाहेरीको व्यहोरा
रमेशप्रसाद खरेल![](https://i0.wp.com/www.republicadainik.com/wp-content/uploads/2024/08/Swornim-Ravi.jpg?resize=200%2C200)
फेसबुकबाट तपाईको प्रतिक्रिया