पाँचदेखि ८ हजारमा किशोरी मिलाउने कान्छीमाया र लोकेन्द्र पक्राउ
![](https://i0.wp.com/www.republicadainik.com/wp-content/uploads/2024/05/Kanchhimaya-Narendra.jpg?resize=810%2C463)
काठमाडौं । नेपाल प्रहरीको मानव बेचबिखन अनुसन्धान व्यूरोले काठमाडौंबाट ३७ वर्षीया कान्छीमाया घिसिङ र २९ वर्षीय लोकेन्द्र बडुलाई पक्राउ गरेको छ ।
नाबालिका÷किशोरीलाई जबरजस्ती यौन व्यवसायमा लगाएको आरोपमा प्रहरीले कान्छीमाया र लोकेन्द्रलाई पक्राउ गरेको विज्ञप्तिमार्फत जनाएको छ ।
दार्चुला घर भई काठमाडौंको टोखा नगरपालिका–९ दीपज्योति मार्गमा बस्दै आएका लोकेन्द्र र सर्लाही घर भई सोही ठाउँमा बस्ने कान्छीमाया घिसिङले खाजाघर सञ्चालन गरेर नाबालिकालाई यौन व्यवसायमा लगाएको आरोप छ ।
कान्छीमाया र लोरेन्द्रले टोखामा सुर्खेत खाजाघर सञ्चालन गर्दै आएका थिए ।
नाबालिकाहरूलाई सुरूमा उनीहरूले वेटरको काम लगाउने भन्दै जागिरमा लगाएर यौन व्यवसायमा लगाउने गरेको प्रहरीको अभियोग छ ।
सञ्चालकले ग्राहकबाट ५ हजार देखि ८ हजारसम्म लिने गरेको पनि अनुसन्धानबाट खुलेको छ ।
यौन व्यवसायमा लगाएको भन्ने सूचना पाएपछि ब्युरोको टोली मंगलबार उक्त ठाउँमा पुगेको थियो । खाजा घरमा एकजना नाबालिका फेला परेकी थिइन् ।
ती नाबालिकालाई गत वर्ष कात्तिक महिनादेखि काममा लगाउने भन्दै जबरजस्ती यौन व्यवसायमा लगाएको खुलेको प्रहरी भनाइ छ ।
बिचार/ब्लग
![](https://i0.wp.com/www.republicadainik.com/wp-content/uploads/2024/08/Sherbahadur-Deuba-4.jpg?resize=200%2C200)
सभापति देउवाद्वारा मेलमिलाप आयोगको छलफलमा राखिएको मन्तव्य
शेरबहादुर देउवा, सभापति, नेपाली कांग्रेस![](https://i0.wp.com/www.republicadainik.com/wp-content/uploads/2024/08/Kulman-Ghisingh-1.jpg?resize=200%2C200)
कुलमान घिसिङलाई भविष्यमा जेलमा थुन्न परेको जाहेरीको व्यहोरा
रमेशप्रसाद खरेल![](https://i0.wp.com/www.republicadainik.com/wp-content/uploads/2024/08/Swornim-Ravi.jpg?resize=200%2C200)
फेसबुकबाट तपाईको प्रतिक्रिया