कांग्रेस सह–महामन्त्री उपाध्यायसहितका नेताहरूद्वारा हजयात्रीलाई विदाइ
![](https://i0.wp.com/www.republicadainik.com/wp-content/uploads/2024/05/WhatsApp-Image-2024-05-19-at-10.35.12_4695778c.jpg?resize=825%2C510)
काठमाडौं । नेपाली कांग्रेसकी सह–महामन्त्री महालक्ष्मी उपाध्याय ‘डीना’, राज्य व्यवस्था तथा सुशासन समितिका सभापति रामहरि खतिवडा, केन्द्रीय सदस्यद्वय लक्ष्मी खतिवडा र जुवेदा खातुनले हजयात्रीहरूलाई विदाइ गरेका छन् ।
कांग्रेस नेताहरूले शुक्रबार र शनिबार त्रिभुवन अन्तर्राष्ट्रिय विमानस्थलमा हजयात्रीहरूलाई बिदाइ गरेको कांग्रेसका नेता डा.अब्दुल कलाम अन्सारीले बताएका छन् । सह–महामन्त्री उपाध्यायले हजयात्रीहरूलाई धार्मिक यात्राको शुभकामना दिएकी छिन् । उपाध्यायले भनिन्, ‘मुस्लिम समुदायको पवित्र धार्मिकस्थल मक्कामदिनाको यात्रामा निस्कनुभएका हजयात्रीहरूलाई शुभकामना । नेपालमा शान्ति स्थापनाका लागि अनुरोध गर्दछु ।’
राज्य व्यवस्था तथा सुशासन समितिका सभापति रामहरि खतिवडाले हजयात्रीहरूलाई शुभकामना दिँदै नेपाल सबै धर्म, संस्कृति र परम्पराको संरक्षण गर्छ भन्ने सकारात्मक सन्देश हजयात्राले दिएको बताए ।
केन्द्रीय सदस्य लक्ष्मी खतिवडाले पनि हजयात्रीहरूलाई शुभकामना दिँदै नेपालले मुस्लिम समुदायलाई पनि अधिकार दिएको बताएकी छिन् ।
नेपालबाट हरेक वर्ष नेपाल सरकारको पहल र सहयोगमा सयौँ हजयात्रीहरू मक्कामदिना जाने गर्छन् । उनीहरूलाई त्रिभुवन अन्तर्राष्ट्रिय विमानस्थलमा विदाइ हुँदै आएको छ ।
बिचार/ब्लग
![](https://i0.wp.com/www.republicadainik.com/wp-content/uploads/2024/08/Sherbahadur-Deuba-4.jpg?resize=200%2C200)
सभापति देउवाद्वारा मेलमिलाप आयोगको छलफलमा राखिएको मन्तव्य
शेरबहादुर देउवा, सभापति, नेपाली कांग्रेस![](https://i0.wp.com/www.republicadainik.com/wp-content/uploads/2024/08/Kulman-Ghisingh-1.jpg?resize=200%2C200)
कुलमान घिसिङलाई भविष्यमा जेलमा थुन्न परेको जाहेरीको व्यहोरा
रमेशप्रसाद खरेल![](https://i0.wp.com/www.republicadainik.com/wp-content/uploads/2024/08/Swornim-Ravi.jpg?resize=200%2C200)
फेसबुकबाट तपाईको प्रतिक्रिया