कांग्रेसको सभा हुनुभन्दा २४ घण्टा अगाडि तरुणद्वारा शक्ति प्रदर्शन, गृहमन्त्री र सभामुखको शव बोकेर राँके जुलुस प्रदर्शन
![](https://i0.wp.com/www.republicadainik.com/wp-content/uploads/2024/05/Tarun-Dal-Lady-Sexy.jpg?resize=810%2C365)
काठमाडौं । सहकारी ठगका आरोपी गृहमन्त्री रवि लामिछानेमाथि अनुसन्धान गर्न संसदीय छानविन समितिको मागसहित नेपाल तरुण दलले राँके जुलुस प्रदर्शन गरेको छ ।
तरुण दलले शनिबार साँझ काठमाडौंको प्रदर्शनीमार्गमा राँके जुलुस प्रदर्शन गरेको हो । प्रदर्शनमा तरुण दलका अध्यक्ष विद्वान गुरुङ पनि सहभागी भएका छन् । राँके जुलुस प्रदर्शनका साथै तरुणहरूले सहकारीको करोडौं रकम ठगीको अभियोग लागेका गृहमन्त्री लामिछाने र संसदमा अधिनायकवादी गतिविधि गरेका सभामुख घिमिरेको शव बनाएर बोक्नुका साथै पुत्ला जलाएका छन् । तरुण दलले गृहमन्त्री लामिछाने र सभामुख घिमिरेको तस्वीर राखेर सोलामा प्रतीकात्मक रुपमा शव बनाएर बोकेका थिए ।
तरुण दलका नेता कार्यकर्ताले गृहमन्त्री लामिछाने र सभामुख घिमिरेको तस्बिरलाई सोला राखेर बोकेका छन् । सभामुख घिमिरेले एमालेका अध्यक्ष केपी ओलीको निर्देशन र खटनपटनमा प्रमुख प्रतिपक्ष दल नेपाली कांग्रेसलाई संसदमा बोल्न समय नदिने, पेलेर संसद बैठक चलाउने लगायतका गतिविधि गरेको भन्दै विरोधमा तरुण दलले सभामुख घिमिरेको पुत्ला जलाएको छ ।
गिरिबन्धु टि इस्टेटको जग्गा घोटाला प्रकरणको अनुसन्धान गरेर तत्कालीन प्रधानमन्त्री एवम् एमालेका अध्यक्ष केपी ओलीलाई कारबाही गर्न तरुणहरूले माग गरेका छन् । ओली प्रधानमन्त्री भएका बेला गिरिबन्धु टि स्टेटको जग्गा घोटाला भएको थियो । ओलीले गिरिबन्धु टि स्टेटको जग्गा प्लटिङ गरेर बिक्री गर्न भूमाफियालाई सट्टापट्टाको अनुमति दिएका थिए । केही दिन अगाडि सर्वोच्च अदालतले ओलीको त्यो निर्णयालाई खारेज गरिदिएको छ ।
कांग्रेसले भोलि आइबार प्रदर्शनमार्गस्थित भृकुटीमण्डपमा खुला सभा गर्न लागेको छ । सभा गर्नुभन्दा केही घण्टा अगाडि तरुण दलले प्रदर्शनीमार्गमा राँके जुलुस प्रदर्शन गर्नुका साथै लामिछाने र सभामुख घिमिरेको पुत्ला जलाएर आक्रोश पोखेको छ ।
तरुण दलको राँके जुलुसलाई ध्यानमा राखेर उल्लेख्य संख्यामा प्रदर्शनीमार्गमा सुरक्षाकर्मी परिचालन भएका थिए । तरुण दलसँग केही राँके जुलुस खोसेर प्रहरीले निभाएको छ । प्रहरीले गृहमन्त्री लामिछाने र सभामुख घिमिरेको पुत्लालाई पनि खोस्ने प्रयास गरेको छ ।
तरुणहरूले गृहमन्त्री लामिछाने, सभामुख घिमिरेका साथै सरकारविरुद्ध नारावाजी लगाएका छन् । उनीहरू सहकारी ठगलाई हदैसम्मको कारबाही माग गरेका छन् ।
तरुण दलले काठमाडौं उपत्यकाका विभिन्न स्थानमा दैनिक रुपमा बेलुका गृहमन्त्री लामिछानेविरुद्ध राँके जुलुस प्रदर्शन गर्दै आएको छ ।
नेपाली कांग्रेसले भोलि आइतबार जेठ १३ गते १ बजे प्रदर्शनीमागको भृकुटीमण्डपमा खुला सभा गर्न लागेको छ । सभाको तयारी गरिरहेका बेला तरुण दलले २४ घण्टा अगाडि प्रदर्शनीमार्गमा शक्ति देखाएको छ ।
![](https://i0.wp.com/www.republicadainik.com/wp-content/uploads/2024/05/442414035_2805276626279113_5909911620941666936_n-1024x462.jpg?resize=1024%2C462&ssl=1)
![](https://i0.wp.com/www.republicadainik.com/wp-content/uploads/2024/05/441491881_2805275416279234_9103435900355726774_n-1024x768.jpg?resize=1024%2C768&ssl=1)
![](https://i0.wp.com/www.republicadainik.com/wp-content/uploads/2024/05/444492860_2805275729612536_8761890643153904762_n-1024x462.jpg?resize=1024%2C462&ssl=1)
![](https://i0.wp.com/www.republicadainik.com/wp-content/uploads/2024/05/444479555_2805276786279097_1142998312361126099_n-1024x462.jpg?resize=1024%2C462&ssl=1)
![](https://i0.wp.com/www.republicadainik.com/wp-content/uploads/2024/05/444485995_2805275869612522_6377198416131482168_n-1024x462.jpg?resize=1024%2C462&ssl=1)
![](https://i0.wp.com/www.republicadainik.com/wp-content/uploads/2024/05/444480893_2805275902945852_4163817389813268585_n-1024x462.jpg?resize=1024%2C462&ssl=1)
![](https://i0.wp.com/www.republicadainik.com/wp-content/uploads/2024/05/444488609_2805275929612516_2475901098148402931_n-1024x462.jpg?resize=1024%2C462&ssl=1)
![](https://i0.wp.com/www.republicadainik.com/wp-content/uploads/2024/05/444479348_2805276179612491_2713289919980875296_n-1024x462.jpg?resize=1024%2C462&ssl=1)
![](https://i0.wp.com/www.republicadainik.com/wp-content/uploads/2024/05/444487505_2805275822945860_3438085906440563650_n-1024x462.jpg?resize=1024%2C462&ssl=1)
![](https://i0.wp.com/www.republicadainik.com/wp-content/uploads/2024/05/444503288_2805276592945783_3143724294327941285_n-1024x462.jpg?resize=1024%2C462&ssl=1)
बिचार/ब्लग
![](https://i0.wp.com/www.republicadainik.com/wp-content/uploads/2024/08/Sherbahadur-Deuba-4.jpg?resize=200%2C200)
सभापति देउवाद्वारा मेलमिलाप आयोगको छलफलमा राखिएको मन्तव्य
शेरबहादुर देउवा, सभापति, नेपाली कांग्रेस![](https://i0.wp.com/www.republicadainik.com/wp-content/uploads/2024/08/Kulman-Ghisingh-1.jpg?resize=200%2C200)
कुलमान घिसिङलाई भविष्यमा जेलमा थुन्न परेको जाहेरीको व्यहोरा
रमेशप्रसाद खरेल![](https://i0.wp.com/www.republicadainik.com/wp-content/uploads/2024/08/Swornim-Ravi.jpg?resize=200%2C200)
फेसबुकबाट तपाईको प्रतिक्रिया