सिङ्गारु र टप्पा नाच संरक्षणका लागि प्रतियोगिता, दार्मा, छत्रेश्वरी र बागचौरलाई उपाधि
![](https://i0.wp.com/www.republicadainik.com/wp-content/uploads/2024/05/Tappa-Nach.jpg?resize=810%2C393)
सल्यान । मौलिक पहिचान रहेको सल्यानी टप्पा तथा सिंगारु नाच प्रतियोगिता सम्पन्न भएको छ ।
मौलिक पहिचानको रूपमा रहेको सिंगारु र टप्पा नाच संरक्षणका लागि प्रतियोगिताको आयोजना गरिएको हो । शनिबार सम्पन्न टप्पा नाच प्रतियोगितामा दार्मा गाउँपालिकाको समूह पहिलो भएको छ ।
छत्रेश्वरी गाउँपालिकाको समूह दोश्रो र बागचौर नगरपालिकाको समूह तेश्रो भएको आयोजक सामाजिक सेवा तथा सूचना केन्द्र, सल्यानका अध्यक्ष नोखिराम थापाले बताए ।
सिंगारु नाच प्रतियोगितामा बागचौर नगरपालिकाको समूह पहिलो, छत्रेश्वरी गाउँपालिकाको समूह दोश्रो र दार्मा गाउँपालिकाको समूह तेश्रो भएको छ ।
स्थानीय कला, हस्तकला, संस्कृति पहिचान, जगेर्ना तथा प्रवर्द्धन कार्यक्रमअन्तर्गत सामाजिक विकास कार्यालय सल्यानको आर्थिक सहयोगमा प्रतियोगिता संचालन गरिएको थियो ।
दुबै नृत्य प्रतियोगितामा पहिलो दोश्रो र तेश्रो हुने समूहलाई क्रमशः १२ हजार, १० हजार र ८ हजार रूपियाँ र प्रमाणपत्र सहित पुरस्कृत गरिएको थियो ।
प्रतियोगितामा अन्य विभिन्न सांस्कृतिक प्रस्तुति पनि प्रदर्शन गरिएको थियो । कार्यक्रममा जिल्ला समन्वय समिति सल्यानका प्रमुख बेलाराम रावल, शारदा नगरपालिकाका उपप्रमुख सुस्मिता सापकोटा, निर्णायकहरू वीरबहादुर सेजवाल, शक्ति चन्द, भद्रसिंह बुढा लगायतले धारणा राखेका थिए ।
उनीहरूले कला संस्कृति मेटियो भने आफ्नो गाउँठाउँको सान, मान सबै हराउने भएकाले मौलिक लोककला संस्कृति संरक्षणमा सबै जागरुक बन्नुपर्नेमा बताएका छन् ।
बिचार/ब्लग
![](https://i0.wp.com/www.republicadainik.com/wp-content/uploads/2024/08/Sherbahadur-Deuba-4.jpg?resize=200%2C200)
सभापति देउवाद्वारा मेलमिलाप आयोगको छलफलमा राखिएको मन्तव्य
शेरबहादुर देउवा, सभापति, नेपाली कांग्रेस![](https://i0.wp.com/www.republicadainik.com/wp-content/uploads/2024/08/Kulman-Ghisingh-1.jpg?resize=200%2C200)
कुलमान घिसिङलाई भविष्यमा जेलमा थुन्न परेको जाहेरीको व्यहोरा
रमेशप्रसाद खरेल![](https://i0.wp.com/www.republicadainik.com/wp-content/uploads/2024/08/Swornim-Ravi.jpg?resize=200%2C200)
फेसबुकबाट तपाईको प्रतिक्रिया