गृहमन्त्री लामिछाने सहकारी ठगी काण्डमा मुछिएका बेला प्रचण्डनै सहकारीपीडित भएको खुलासा
![](https://i0.wp.com/www.republicadainik.com/wp-content/uploads/2024/06/Prachand.jpg?resize=810%2C489)
काठमाडौं । राष्ट्रिय स्वतन्त्र पार्टी (रास्वपा)का सभापति समेत रहेका गृहमन्त्री रवि लामिछानेले सहकारीको करोडौं रकम अपचलन र ठगी गरेको अभियोग लागेका बेला प्रधानमन्त्री पुष्पकमल दाहाल ‘प्रचण्ड’ले आफू पनि सहकारीपीडित भएको बताएका छन् ।
शुक्रबार काठमाडौंमा सहकारी केन्द्र नेपालले आयोजना गरेको कार्यक्रममा दाहालले माओवादीकै नेता कार्यकर्ताबाट सहकारी खोल्दा आफू सताइएको बताए । उनले सहकारी खोलेर बसेका आफ्नै नेता कार्यकर्ताले दुःख दिने गरेको बताए ।
अहिलेको संरचनाले समस्या समाधान गर्न नसकिने बताउँदै उनले सहकारी प्राधिकरण स्थापना गरिने बताएका छन् ।
प्रधानमन्त्री दाहालले सहकारी सम्बन्धी बोर्ड र विभागलाई एकीकृत गरेर प्राधिकरण गठन प्रक्रिया छिट्टै शुरु गरिने बताएका छन् ।
सहकारीको सिद्धान्त विपरित पूँजीवादी बैंकजस्तो बनाएर नाफा कमाउने र जनतालाई शोषण गर्ने माध्याम बनाउँदा अहिलेको अवस्था आएको पनि प्रधानमन्त्री दाहालले बताए ।
उनले जुन ढंगले चलाइयो, त्यसबाट विकृति जन्मिने नै थियो र अहिले त्यो विकृति देखा परेको बताएका छन् ।
प्रधानमन्त्री दाहालले पुँजीवादी विकृतिले सहकारी आन्दोलनलाई समाजवादी बाटोमा अघि बढ्न नदिएको बताएका छन् ।
सहकारीबाट हजारौँ सर्वसाधारण ठगिएर पीडित बनेको तथा गृहमन्त्री लामिछाने नै सहकारीको रकम अपचलन र ठगी काण्डमा मुछिएर संसदीय छानविन समितिको दायरमा परेका बेला प्रधानमन्त्री दाहालले नै आफू पनि सहकारीपीडित भएको बताएका छन् ।
बिचार/ब्लग
![](https://i0.wp.com/www.republicadainik.com/wp-content/uploads/2024/08/Sherbahadur-Deuba-4.jpg?resize=200%2C200)
सभापति देउवाद्वारा मेलमिलाप आयोगको छलफलमा राखिएको मन्तव्य
शेरबहादुर देउवा, सभापति, नेपाली कांग्रेस![](https://i0.wp.com/www.republicadainik.com/wp-content/uploads/2024/08/Kulman-Ghisingh-1.jpg?resize=200%2C200)
कुलमान घिसिङलाई भविष्यमा जेलमा थुन्न परेको जाहेरीको व्यहोरा
रमेशप्रसाद खरेल![](https://i0.wp.com/www.republicadainik.com/wp-content/uploads/2024/08/Swornim-Ravi.jpg?resize=200%2C200)
फेसबुकबाट तपाईको प्रतिक्रिया