चीनले गोरखाका २ नागरिकलाई बोलाएर डेढ महिनादेखि वेपत्ता बनायो, उद्धार गर्न सांसद बजगाइँको अनुरोध
![](https://i0.wp.com/www.republicadainik.com/wp-content/uploads/2024/06/Rajendra-Bajgai.jpg?resize=810%2C483)
काठमाडौं । नेपाली कांग्रेसका सांसद राजेन्द्र बजगाइँले चीनले गोरखाका दुई जना नेपाली नागरिकलाई झुक्काएर बोलाएर बेपत्ता बनाएको बताएका छन् ।
मंगलबार बसेको प्रतिनिधिसभाको बैठकमा सांसद बजगाइँले चीनको तिब्बतमा गोरखाका दुई जना नेपाली नागरिक राप्के लामा र कर्माछेदन लामा डेढ महिनादेखि अज्ञात अवस्थामा रहेको बताए । उनीहरूको उद्धारका लागि परराष्ट्रमन्त्री नारायणकाजी श्रेष्ठसँग माग गरेका छन् ।
कांग्रेसका सांसद बजगाइँले भने, ‘गोरखा जिल्लाको चुननब्री गाउँपालिकाका– ७ का राप्के लामा, कर्माछेदन लामा करीव डेढ महिना पहिला चीनबाट, चीनको स्वसासित तिब्बतबाट फोन आयो । र, त्यहाँ समातिएका तिब्बतीयनहरूबाट फोन गराइरहेको रहेछ ।’
‘चीन प्रशासनले उहाँहरूलाई चीनतिर आउनलाई तिब्बततिर आउनलाई आह्वान गरियो र उहाँहरू राप्के लामा र कर्माछेदेन लामा चाहिँ चीन, तिब्बतमा जानुभयो । त्यहाँ पक्राउ परे’, उनले भने ।
‘यो हाम्रो सरकारलाई जानकारी छैन । उनीहरूको अवस्था कस्तो छ ? कुन परिस्थितिमा जीवन गुज्रीरहेको छ ? जीउँदै हुनुहुन्छ कि ? थाहा छैन । त्यसको लागि सरकारले के पहल गर्ने हो ? म परराष्ट्रमन्त्रीज्यूको ध्यानाकृष्ट गराउन चाहन्छु’, सांसद बजगाइँले भने ।
उत्तरी सिमाना जोडिएका जिल्लाहरूमा चीनले नेपाली नागरिकहरूलाई बेलाबेला दुःख दिँदै आएको छ । दुर्गम र सञ्चारको अभावका कारण चीनले उत्तरी क्षेत्रमा गरिरहेको हर्कतका विषयमा धेरै कुरा बाहिर आउन सक्दैन ।
तर, चीनको दमन र दादागिरीबाट नेपालीहरूले उत्तरी सिमाना क्षेत्रमा निकै दुःख पाइरहेको तथ्य सांसद बजगाइँले बाहिर ल्याइदिएका छन् ।
बिचार/ब्लग
![](https://i0.wp.com/www.republicadainik.com/wp-content/uploads/2024/08/Sherbahadur-Deuba-4.jpg?resize=200%2C200)
सभापति देउवाद्वारा मेलमिलाप आयोगको छलफलमा राखिएको मन्तव्य
शेरबहादुर देउवा, सभापति, नेपाली कांग्रेस![](https://i0.wp.com/www.republicadainik.com/wp-content/uploads/2024/08/Kulman-Ghisingh-1.jpg?resize=200%2C200)
कुलमान घिसिङलाई भविष्यमा जेलमा थुन्न परेको जाहेरीको व्यहोरा
रमेशप्रसाद खरेल![](https://i0.wp.com/www.republicadainik.com/wp-content/uploads/2024/08/Swornim-Ravi.jpg?resize=200%2C200)
फेसबुकबाट तपाईको प्रतिक्रिया