काउन्सिलले डण्डा हानेपछि थुरुरु डराएको कान्तिपुरले विवादित दृष्य हटायाे
![](https://i0.wp.com/www.republicadainik.com/wp-content/uploads/2024/07/Balkrishna-Samragy-Swos.jpg?resize=810%2C482)
काठमाडौं । दुई अभिनेत्रीलाई मुछेर कान्तिपुर टिभिले देखाएको कार्यक्रमका विवादित क्लिप प्रेस काउन्सिल नेपालको निर्देशनपछि हटाइएको छ ।
‘इट्स माइ सो’मा दुई साताअघि प्रसारित सामग्री विवादमा तानिएको थियो । ती सामग्री आपत्तिजनक र तथ्यहीन भन्दै अभिनेत्री जसिता गुरुङसहितले चर्को विरोध गरेका थिए ।
प्रेस काउन्सिल नेपालले कार्यक्रम सार्वजनिक भएलगत्तै स्वअनुगमन गरेर त्यसबारे प्रष्ट पार्न २४ घण्टे पुर्जी काटेको थियो । टिभीले दिएको लिखित जवाफ चित्त नबुझेर काउन्सिलले प्रस्तोता ओसिन सिटौलासहितलाई लगत्तै बयानका लागि कार्यालयमै बोलाएको थियो ।
काउन्सिल अध्यक्ष बालकृष्ण बस्नेतसहितको उपस्थितिमा टिभिको टोलीले नै त्यस्ता प्रसंग आएकोमा माफी मागेको थियो । प्रेस काउन्सिलले त्यस्ता विवादास्पद सामग्री तत्काल हटाउन र त्यसको जानकारी युट्युव च्यानलसहित माध्यममा गराउन लिखित निर्देशन दिएको थियो ।
टिभिले विभिन्न कलाकारको नाम एकअर्कालाई जोडेर प्रसारित आपत्तिजनक अभिव्यक्ति हटाएको छ । प्रेस काउन्सिल समक्ष प्रस्तोता सिटौलाले व्यक्तिगत लाञ्छना लगाउने, आचारसंहिता विपरित हुने गरी आफूले कुनै काम नगर्ने प्रतिवद्धता जनाएकी थिइन् ।
यो प्रकरण काउन्सिलमा विचाराधीन रहेकाले थप कारवाही के हुन्छ भन्ने खुलेको छैन । प्रेस काउन्सिलले पछिल्लो समय विभिन्न मिडियामा आएका आचारसंहिता विपरितका सामग्री, हुबहु कपी गरी दिएका सामग्री र बार्गेनिङ्ग गरेका मुद्दामा सक्रियता देखाइरहेको छ ।
यसअघि सिधाकुरा, नेपालआज, दैनिकी, फरकधारसहित ३ दर्जन सञ्चारमाध्यमलाई काउन्सिलले कडा कारवाही गरिसकेको छ ।
बिचार/ब्लग
![](https://i0.wp.com/www.republicadainik.com/wp-content/uploads/2024/08/Sherbahadur-Deuba-4.jpg?resize=200%2C200)
सभापति देउवाद्वारा मेलमिलाप आयोगको छलफलमा राखिएको मन्तव्य
शेरबहादुर देउवा, सभापति, नेपाली कांग्रेस![](https://i0.wp.com/www.republicadainik.com/wp-content/uploads/2024/08/Kulman-Ghisingh-1.jpg?resize=200%2C200)
कुलमान घिसिङलाई भविष्यमा जेलमा थुन्न परेको जाहेरीको व्यहोरा
रमेशप्रसाद खरेल![](https://i0.wp.com/www.republicadainik.com/wp-content/uploads/2024/08/Swornim-Ravi.jpg?resize=200%2C200)
फेसबुकबाट तपाईको प्रतिक्रिया