आशा जगाउने सरकारको पावरफुल निर्णयहरू
![](https://i0.wp.com/www.republicadainik.com/wp-content/uploads/2024/07/Cabinet-Kp-Oli-Arzu-Rana.jpg?resize=810%2C408)
काठमाडौं । सरकारले विपदका कारण बेपत्ता भइ घटना भएको १० दिनसम्म फेला पर्न नसकेका व्यक्तिका परिवारलाई मृतक सरह राहत उपलब्ध गराउने निर्णय गरेको छ ।
प्रधानमन्त्री केपी ओली नेतृत्वको मन्त्रिपरिषदको सिंहदरबारमा सोमबार बसेको पहिलो बैठकले प्राकृतिक विपत्तिमा बेपत्ता भएका परिवारका आफन्तलाई १० दिनपछि राहत दिने निर्णय गरेको हो ।
सरकारले बाढी पहिरोका कारण मृत्यु भएकाहरूको परिवारलाई राहत उपलब्ध गराउने निर्णय पनि गरेको छ । बाढी पहिरोका कारण भएको जनधनको क्षतिप्रति दुःख व्यक्त गर्दै सरकारले मृत्यु भएकाहरूको परिवारलाई राहत उपलब्ध गराउने निर्णय गरेको छ ।
२०८२ असार मसान्तसम्म नेपाललाई सडक बालबालिका मुक्त बनाउने निर्णय सरकारले गरेको छ ।
कीर्तिपुर क्रिकेट मैदानलाई अन्तर्राष्ट्रिय मापदण्डअनुसार फ्लडलाइटमा जडान र प्याराफिट निर्माण कार्य ३ सय दिनभित्र सम्पन्न गर्ने निर्णय गरेको सरकारका प्रवक्ता समेत रहेका सञ्चार, सूचना तथा प्रवधिमन्त्री पृथ्वीसुब्बा गुरुङले बताएका छन् ।
परिवर्तित समयलाई मध्यनजर गर्दै मन्त्रिपरिषद तथा मन्त्रिपरिषदका विभिन्न समितिहरूमा प्रक्रियामा रहेका वा प्रक्रिया नलगिएका सम्पूर्ण प्रस्तावहरू सम्बन्धित मन्त्रालयमा फिर्ता गर्ने निर्णय भएको गुरुङले बताएका छन् ।
जाजरकोट भूकम्प प्रभावितहरूलाई दोस्रो र तेस्रो किस्ता उपलब्ध निर्णय गरेको छ । प्रधानमन्त्री तथा मन्त्रिपरिषदका सचिव लीलादेवी गर्तौलालाई कायममुकायम मुख्यसचिवको जिम्मेवादी दिने निर्णय भएको प्रवक्ता गुरुङले बताएका छन् ।
प्रधानमन्त्री ओलीले मन्त्रालयबीच समन्वयका साथ अघि बढ्न निर्देशन दिएका छन् । एक महिनाभित्र केही फरक देखाउने गरी काम गर्न पनि मन्त्रीहरूलाई ओलीले निर्देशन दिएका छन् ।
मन्त्रिपरिषद् बैठकका निर्णयहरू २४ घण्टा गोप्य राखिनेछ । कतिपय निर्णय सच्याउनुपर्ने अवस्था आउनसक्नेतर्फ भएकाले २४ घण्टासम्म निर्णय गोप्य राख्न निर्णय गरिएको प्रवक्ता गुरुङले बताएका छन् ।
बिचार/ब्लग
![](https://i0.wp.com/www.republicadainik.com/wp-content/uploads/2024/08/Sherbahadur-Deuba-4.jpg?resize=200%2C200)
सभापति देउवाद्वारा मेलमिलाप आयोगको छलफलमा राखिएको मन्तव्य
शेरबहादुर देउवा, सभापति, नेपाली कांग्रेस![](https://i0.wp.com/www.republicadainik.com/wp-content/uploads/2024/08/Kulman-Ghisingh-1.jpg?resize=200%2C200)
कुलमान घिसिङलाई भविष्यमा जेलमा थुन्न परेको जाहेरीको व्यहोरा
रमेशप्रसाद खरेल![](https://i0.wp.com/www.republicadainik.com/wp-content/uploads/2024/08/Swornim-Ravi.jpg?resize=200%2C200)
फेसबुकबाट तपाईको प्रतिक्रिया