कांग्रेसद्वारा व्यवसायी अम्बिका श्रेष्ठको निधनप्रति गहिरो शोक व्यक्त
![](https://i0.wp.com/www.republicadainik.com/wp-content/uploads/2024/02/Congress-Office-3.jpg?resize=810%2C456)
काठमाडौं । नेपाली कांग्रेसले पर्यटन व्यवसायी तथा द्वारिकाज होटल एवं रिसोर्टकी संचालक अम्बिका श्रेष्ठको ९२ वर्षको उमेरमा निधन भएकोप्रति गहिरो दुःख व्यक्त गरेको छ ।
शुक्रबार कांग्रेस केन्द्रीय कार्यालयबाट जारी भएको विज्ञप्तिअनुसार ललितपुरको मेडिसिटी अस्पतालमा उपचारका क्रममा साउन ३ गते बिहीबारका दिन श्रेष्ठको निधन भएकोमा कांग्रेसले गहिरो दुःख व्यक्त गरेको छ ।
स्व.श्रेष्ठ हिमाल मिडिया प्रा.लि.को संस्थापक अध्यक्ष तथा स्पेनका लागि पूर्व अवैतनिक महावाणिज्यदूत समेत हुन् ।
साढे ६ दशकदेखि नेपालको पर्यटन तथा होटल व्यवसायको क्षेत्रमा अनवरत रुपमा संलग्न रहेर यस क्षेत्रको श्रीवृद्धिमा श्रेष्ठले उल्लेखनीय योगदान पु¥याएको कांग्रेसले स्मरण गरेको छ ।
पर्यटन क्षेत्रका साथै महिला उद्यमशीलता प्रवर्द्धन र महिला सशक्तीकरणमा स्वर्गीय श्रेष्ठले महत्वपूर्ण भूमिका निर्वाह गरेको कांग्रेसले जनाएको छ ।
‘उहाँ सामाजिक कार्यमा पनि उत्तिकै सक्रिय हुनुहुन्थ्यो’, शोक वक्तव्यमा भनिएको छ, ‘उहाँको निधनबाट यस क्षेत्रलाई अपूरणीय क्षति पुगेको छ ।’
कांग्रेसका सभापति एवं पूर्व प्रधानमन्त्री शेरबहादुर देउवाले श्रेष्ठको निधनप्रति गहिरो दुःख व्यक्त गरेका छन् ।
स्व.श्रेष्ठले नेपालको पर्यटन तथा होटल व्यवसायको क्षेत्रमा पु¥याएको योगदानको स्मरण गर्दै सभापति देउवाले भावपूर्ण श्रद्धाञ्जलि अर्पण गरेका छन् ।
देउवाले दिवंगत आत्माको चीर शान्तिको कामना साथ शोक सन्तप्त परिवारजनप्रति पार्टी र आफ्नो तर्फबाट गहिरो समवेदना प्रकट गरेका छन् ।
बिचार/ब्लग
![](https://i0.wp.com/www.republicadainik.com/wp-content/uploads/2024/08/Sherbahadur-Deuba-4.jpg?resize=200%2C200)
सभापति देउवाद्वारा मेलमिलाप आयोगको छलफलमा राखिएको मन्तव्य
शेरबहादुर देउवा, सभापति, नेपाली कांग्रेस![](https://i0.wp.com/www.republicadainik.com/wp-content/uploads/2024/08/Kulman-Ghisingh-1.jpg?resize=200%2C200)
कुलमान घिसिङलाई भविष्यमा जेलमा थुन्न परेको जाहेरीको व्यहोरा
रमेशप्रसाद खरेल![](https://i0.wp.com/www.republicadainik.com/wp-content/uploads/2024/08/Swornim-Ravi.jpg?resize=200%2C200)
फेसबुकबाट तपाईको प्रतिक्रिया