सरकारले एउटा पनि गतिलो काम गर्न सकेन : राजकिशोर यादव

काठमाडौं । जनता समाजवादी पार्टी नेपालका सांसद राजकिशोर यादवले सरकारले एउटा पनि गतिलो काम गर्न नसकेको बताएका छन् ।

बुधवार प्रतिनिधिसभा बैठकमा विशेष समयमा सांसद यादवले केपी ओली नेतृत्वको सरकार बनेयता औँलामा गन्न सकिने कुनै एउटा पनि काम हुन नसकेको बताए । उनले सरकारले गफ भने ठूलोठूलो गर्ने गरे पनि काम केही गर्न नसकेको बताएका छन् ।

सांसद यादवले संविधानको आत्माको रुपमा रहेको समावेशितालाई उल्लंघन गरेर सरकारले राजदूत नियुक्ति गरेको बताएका छन् ।

उनले भने, ‘सरकारले संविधान मान्नुपर्छ कि पर्दैन ? सरकारले अहिले गरेको राजदूतहरुको सिफारिस कुनै पनि कोणबाट समावेशी देखिँदैन ।’

सांसद यादवले भने, ‘त्यो एक प्रकारको एकल जातीय, एकल सांस्कृतिक पहिचान झल्किने गरी सिफारिश गरिएको छ ।’

Published : Wednesday, 2024 August 28, 10:14 pm