घोराही । रोटरी क्लब अफ दाङले निर्माण गरिदिएको शौचालय घोराहीमा रहेको माता पवित्रादेवी संस्कृत गुरुकुललाई हस्तान्तरण गरेको छ ।

शुक्रबार घोराही उपमहानगरपालिका वडा नं. ७ मा आयोजित कार्यक्रममा शौचालय गुरुकुललाई हस्तान्तरण गरिएको रोटरी क्लव अफ दाङका अध्यक्ष प्रदीप सुवेदीले बताएका छन् ।

नेपाल पत्रकार महासंघका निवर्तमान अध्यक्ष विपुल पोख्रेलको प्रमुख आतिथ्यतामा शौचालय हस्तान्तरण गरिएको थियो ।

करिब ३ लाखको लागतमा निर्माण गरिएको शौचालय निर्माण गर्न रोटरी क्लब, हेल्पिङ ह्याण्ड नेपाल र विभिन्न व्यक्तिले आर्थिक सहयोग गरेका थिए ।

रोटरी क्लव अफ दाङका प्रेसिडेन्ट इलेक्ट रोशन दाहालले शौचालय निर्माण गर्न सहयोग गर्ने सबैलाई धन्यवाद दिएका छन् ।

गुरुकुलका प्रमुख प्रकाश भट्टराईले शौचालय निर्माण गरेर सहयोग गरेकोमा धन्यवाद दिएका छन् । भट्टराईले आगामी दिनमा पनि यस्तै सहयोगको अपेक्षा लिएको बताएका छन् ।