काठमाडौं । सरकार मुलुकको अर्थतन्त्रको समग्र क्षेत्रमा सुधारको लागि रायसहितको प्रतिवेदन पेस गर्न पूर्वसचिव रामेश्वरप्रसाद खनालको संयोजकत्वमा पाँच सदस्यीय आर्थिक सुधार सुझाव आयोग गठन गरेको छ ।

सिंदरबारमा मंगलबार पत्रकार सम्मेलन गरेर सञ्चार, सूचना तथा प्रविधिमन्त्री पृथ्वीसुब्बा गुरुङले पूर्वसचिव खनालको संयोजकत्वमा समिति गठन भएको जानकारी दिएका छन् ।

सरकारले चालु आर्थिक वर्ष २०८१–८२ का लागि कृषि तथा पशुपंक्षी विकास मन्त्रालय अन्तर्गत विभिन्न आयोजना र निकायका लागि कुल २६६ राजपत्राङ्कित पदहरूको अस्थायी दरबन्दी स्वीकृत गर्ने निर्णय गरेको छ ।

मन्त्री गुरुङले २०८१ कार्तिक १ देखि ३ गतेसम्म रसियामा आयोजना हुने २२औं इन्टरनेशनल स्पोर्टस फोरममा सहभागी हुन युवा तथा खेलकुदमन्त्रीलाई सहभागी हुन स्वीकृति दिने निर्णय भएको बताए ।

सरकारले संस्कृति, पर्यटन तथा नागरिक उड्डयन मन्त्रालय अन्तर्गत रहेका हिमालहरूको आरोहणका लागि थप ५७ वटा हिमाल खुला गर्ने निर्णय गरेको छ ।