मोरङका प्रहरी प्रमुख एसपी कार्कीको जिम्मेवारी खोसियो, लिम्बुले पाए ईन्चार्ज

काठमाडौं । जिल्ला प्रहरी कार्यालय मोरङका प्रहरी प्रमुख (एसपी) नवराज कार्कीलाई प्रहरी प्रधान कार्यालय नक्सालले फिर्ता बोलाएको छ ।

हेडक्वाटरले एसपी कार्कीलाई मोरङबाट तानेको हो । कार्कीलाई अपराध अनुसन्धान विभागमा सरूवा गरिएको छ ।

जिल्ला प्रहरी कार्यालय मोरङको प्रहरी प्रमुखको जिम्मेवारी एसपी राजन लिम्बुलाई दिइएको प्रहरी प्रधान कार्यालयका प्रवक्ता डीआइजी दानबहादुर कार्कीले पत्रकारहरुलाई बताएका छन् ।

यसअघि विभागमा लिम्बु कार्यरत थिए । एसपी कार्कीको सरूवा गर्नुको कारण खुलाइएको छैन ।

डीआइजी कार्कीले विभागीय आवश्यकताअनुसार सरूवा गरिएको बताएका छन् । यसअघि पनि प्रहरी ईन्चार्जहरुलाई फिर्ता बोलाइएका थिए ।

Published : Friday, 2024 October 18, 10:54 pm