सत्ताईस लाख ठगी गर्ने सुजन पौडेल ठमेलबाट पक्राउ

काठमाडौं । नेपाल प्रहरीको काठमाडौं उपत्यका अपराध अनुसन्धान कार्यालय, टेकुले अनलाइनमार्फत ठगी गर्ने कार्यमा संलग्न व्यक्ति २९ वर्षीय सुजन पौडेललाई पक्राउ गरेको जनाएको छ ।

पौडेललाई कात्तिक २३ गते काठमाडौंको ठमेल नर्सिङ चोकबाट पक्राउ गरेको प्रहरी उपरीक्षक अंगुर जिसीद्वारा जारी विज्ञप्तिमा उल्लेख छ ।

कास्कीको माछापुच्छ्रे गाउँपालिकाको वडा नं. ५ स्थायी वतन भएका पौडेलले ४० थान ल्यापटप बराबरको २७ लाख ६० हजार बराबरको रकम लिइ ल्यापटप नदिएर ठगी गरेको अभियोगमा पक्राउ गरिएको प्रहरीले जनाएको छ ।

पक्राउ परेका पौडेललाई प्रहरीले ठगीसम्बन्धी कसूरमा आवश्यक कारबाहीको लागि जिल्ला प्रहरी परिसर भद्रकाली काठमाडौंमा पठाएको छ ।

Published : Sunday, 2024 November 10, 8:15 pm