अधिवक्ता पोखरेललाई कारबाही
काठमाडौं । नेपाल कानून व्यवसायी परिषद्ले न्यायाधीशलाई घुसको प्रस्ताव गर्ने अधिवक्ता रुद्रप्रसाद पोखरेललाई नसिहतसहितको सजायको निर्णय गरेको छ ।
कानून व्यवसायी परिषदको कात्तिक २५ गते बसेको बैठकले अधिवक्ता पोखरेललाई कानून व्यसायीको आचारसंहिता २०५१ अनुसार नसिहतसहितको सजायको निर्णय गरेको हो ।
अधिवक्ता पोखरेलले सिभिल सहकारी प्रकरणमा काठमाडौं जिल्ला अदालतका न्यायाधीशसँग घुसको प्रस्ताव गरेका थिए ।
पोखरेलले न्यायाधीश राजकुमार कोइरालालाई घुस प्रस्ताव गरेको अडियो नै बाहिरिएको थियो ।
न्यायाधीशलाई दुई करोड रूपियाँ खुवाएर व्यवसायी इच्छाराज तामाङलाई धरौटीमा रिहाइ गर्ने सम्बन्धी अडियो बाहिर आएको थियो ।
कोइरालासँग अधिवक्ता पोखरेलले घुस लिएर तामाङलाई छाड्न आदेश दिन माग गरेका थिए ।
पछि न्यायाधीश कोइरालाले तामाङलाई धरौटीमा छाडेनन् । थुनामा नै पठाउने आदेश दिएका थिए । तामाङ हाल थुनामा छन् ।
बिचार/ब्लग
रविले क्लिन चिट पाउने प्रक्रिया बल्ल हिरासतबाट सुरु भयो
दिलनिशानी मगर
सरकारलाई कांग्रेसको ३४ बुँदे सुझाव तथा ध्यानाकर्षण
शेरबहादुर देउवा
फेसबुकबाट तपाईको प्रतिक्रिया