मकवानपुर प्रहरीद्वारा ठूलाे परिणाममा गाँजा बरामद, फरार मानिसहरूकाे खाेजतलास
काठमाडौं । जिल्ला प्रहरी कार्यालय मकवानपुरले ठूलाे परिणाममा गाँजा बरामद गरेकाे छ ।
मकवानपुरकाे मनहरी गाउँपालिका वडा नं ५ डिल्लीपुरबाट राङसीराङतर्फ केहि व्यक्तिहरुले गाँजाको भारी बोकी पैदल जैसिङतर्फ आउदै गर्दा प्रहरीले शनिबार गाँजा बरामद गरेकाे मकवानपुरका प्रहरी प्रमुख एसपी विश्वराज खड्काले बताए ।
विशेष सूचनाको आधारमा इलाका प्रहरी कार्यालय मनहरीवाट गएकाे टाेलीले पक्राउ गरेकाे हाे । १०/१२ जनाको समूहमा रहेका अपरिचित व्यक्तिहरुले भारी बोकी राप्ती खोला तर्दै गरेको अवस्थामा प्रहरी टोलीले देखेर लखेट्दै पिछा गर्ने क्रममा उनीहरू भागेका थिए ।
उनीहरुले बोकेको सामान फालेर फरार भएका थिए । बोराहरूभित्र प्लाष्टिक राखी डोरीले बाँधी प्याक गरेको अबस्थामा कूल १३७ किलोग्राम लागुऔषध गाँजा बरामद भएको एसपी खड्काले बताए । फरार रहेका व्यक्तिहरूकाे खाेज तलास भइरहेकाे छ ।
बिचार/ब्लग
पीएल सिंहसँगको संस्मरण
पूर्वमन्त्री जयप्रकाशप्रसाद गुप्ता ‘आनन्द’
फेसबुकबाट तपाईको प्रतिक्रिया