काठमाडौं । परराष्ट्रमन्त्री डा.आरजु राणा देउवाले अमेरिकाका पूर्व राष्ट्रपति तथा नोबेल पुरस्कार विजेता जिम्मी कार्टरप्रति श्रद्धाञ्जलि अर्पण गरेकी छिन् ।

शुक्रबार काठमाडौंको महाराजगञ्जस्थित नेपालका लागि अमेरिकन राजदूतावासमा पुगेर डा.राणाले स्व.कार्टरप्रति श्रद्धाञ्जलि व्यक्त गरेकी हुन् ।
अमेरिकी राजदूतावासमा राखिएको शोकपुस्तिकामा परराष्ट्रमन्त्री डा.राणाले हस्ताक्षर गरेको निजी सचिवालयले जनाएको छ ।

परराष्ट्रमन्त्री डा.राणाले भनेकी छिन्, ‘जिम्मी कार्टर परोपकार, शान्ति र लोकतन्त्रमा एक अनुकरणीय व्यक्तित्वको रूपमा खडा हुनुभयो । मानवअधिकार र लोकतान्त्रिक मूल्यमान्यतालाई अक्षुण राख्न उहाँको योगदानको व्यापक प्रशंसा भएको छ ।’

‘उहाँ नेपालका सच्चा मित्र र शुभेच्छुक हुनुहुन्थ्यो । उहाँको शान्ति र परोपकारको विरासतलाई सँधै सम्झिने छौँ । उहाँको योगदान संसारभरिका मानिसहरूका लागि प्रेरणाको रूपमा लिने छन् ।’