मुख्यमन्त्री लामाद्वारा कांग्रेस नेता शिव हुमागाईंकी आमाप्रति श्रद्धाञ्जलि व्यक्त

पनौती । बाग्मती प्रदेशका मुख्यमन्त्री बहादुरसिंह लामाले नेपाली कांग्रेसका केन्द्रीय सदस्य शिवप्रसाद हुमागाईं र परिवारजनप्रति समवेदना प्रकट गरेका छन् ।

आइतबार काभ्रेको पनौतीस्थित निवासमा पुगेर मुख्यमन्त्री लामाले हुमागाईंकी आमा स्व.देवमाया हुमागाईंप्रति श्रद्धाञ्जलि प्रकट गरेका हुन् । लामाले शोकमा रहेका परिवारजनप्रति समवेदना प्रकट गरेको निजी सचिवालयले जनाएको छ ।

कांग्रेस केन्द्रीय सदस्य हुमागाईंकी आमा देवमाया हुमागाईंको मंगलबार पनौतीस्थित निवासमा निधन भएको थियो ।

स्व.देवमाया हुमागाईंप्रति कांग्रेसका सभापति शेरबहादुर देउवासहितका नेताहरूले पनौतीस्थित निवासमा पुगेर श्रद्धाञ्जलि व्यक्त गरेका छन् ।

Published : Sunday, 2025 January 5, 8:31 pm