अन्तर्राष्ट्रिय सम्बन्ध समितिद्वारा नेपाल वायुसेवा निगमबारे सुझाव दिन उपसमिति गठन

काठमाडौं । अन्तर्राष्ट्रिय सम्बन्ध र पर्यटन समितिले नेपाल वायुसेवा निगममा देखिएका समस्या र सुधारका उपाय अध्ययन गरी प्रतिवेदन पेश गर्न उपसमिति गठन गरेको छ ।

बिहीबार बिहान सिंहदरबारमा बसेको समितिको बैठकले राष्ट्रिय स्वतन्त्र पार्टी (रास्वपा)का सांसद शिशिर खनालको संयोजकत्वमा उपसमिति गठन गरिएको सभापति राजकिशोर यादवले बताए । उपसमितिको सदस्यमा सांसदहरू छिरिङ ल्हामु लामा, योगश गौचन थकाली र सुनिता बराल रहेका छन् ।

सभापति यादवले नेपाल वायुसेवा निगम अध्ययन उपसमितिले एक महिनाभित्रमा प्रतिवेदन पेश गर्ने बताएका छन् ।

नेपाल नागरिक उड्डयन प्राधिकरणका बारेमा पनि समितिले आगामी बैठकबाट उपसमिति बनाएर जाने सभापति यादवले बताए ।

Published : Thursday, 2025 January 9, 12:12 pm