काठमाडौं । नेपाली कांग्रेसको उद्यमशील र साना तथा मझौला व्यवसायी विकास विभागले ‘नेपाल स्टार्टअप र साना तथा मझौला सम्मेलन’को आयोजना गरेको छ ।

नेपाली कांग्रेसकी केन्द्रीय सदस्य समेत रहेकी विभागकी संयोजक उर्मिला थपलियाले नेपाल स्टार्टअप र साना तथा मझौला सम्मेलनमा आउने सुझावलाई कार्यान्वयनमा लैजाने बताइन् । सम्मेलनको सभापति एवम् पूर्वप्रधानमन्त्री शेरबहादुर देउवाले उद्घाटन गर्नेछन् ।

विभागले सम्मेलन माघको १६ र १७ गते दुई दिने गर्नेछ । कांग्रेस केन्द्रीय कार्यालय, वीपीनगर, ललितपुरमा सभापति देउवाले माघ १६ गते बिहान ९ बजे सम्मेलनको उद्घाटन गर्ने विभागकी संयोजक थपलियाले बताइन् ।

सम्मेलनका लागि विभिन्न एजेण्डा र कार्यक्रमहरू राखिएका छन् । दुई दिनको छलफलपछि आउने सुझावलाई सम्बन्धित निकायमा दिइनेछ ।