मनहरी गाउँपालिकाको प्रशासनिक भवनको शिलान्यास

मनहरी । मकवानपुरको मनहरी गाउँपालिकाको प्रशासनिक भवनको शिलान्यास गरिएको छ ।

शनिबार उपप्रधान एवम् शहरी विकासमन्त्री प्रकाशमान सिंहले गाउँपालिकाको प्रशासनिक भवनको शिलान्यास गरेका हुन् ।

कार्यक्रममा नेपाली कांग्रेस बागमती प्रदेशका सभापति ईन्द्रबहादुर बानियाँले जनताको सेवामा आफूले सधै सहयोग गर्ने बताए । उनले प्रशासनिक भवन बनेपछि जनप्रतिनिधिहरूलाई जनताको काम गर्न सहज हुने बताए ।

मनहरी गाउँपालिका अध्यक्ष रञ्जन कालाखेती, गाउँपालिकाकी उपाध्यक्ष सीता पुलामी मगरले स्वागत गरेका थिए ।

लामो समयदेखि भाडाको घरबाट सेवा दिँदैआएको मनहरी गाउँपालिकाको अब आफ्नै भवन निर्माण हुने भएको छ ।

Published : Saturday, 2024 December 21, 9:51 pm