काठमाडौं । नेपाली कांग्रेसका सभापति शेरबहादुर देउवासँग नेपाली कांग्रेस (वीपी)का संस्थापक सभापति हरिबोल भट्टराई सदस्यता लिएर कांग्रेसमा प्रवेश गरेका छन् ।

सोमबार बुढानीलकण्ठमा सभापति देउवासँग भेट गरेर भट्टराई कांग्रेसमा प्रवेश गरेका हुन् । भट्टराईलाई सभापति देउवाले कांग्रेसको सदस्यता प्रदान गरेका छन् ।

काठमाडौं महानगरपालिका वडा नं. १० नयाँ बानेश्वर निवासी भट्टराईसहित नेताहरू कांग्रेसका प्रवेश गरेका छन् ।

कांग्रेस (वीपी)का संस्थापक महामन्त्री पुष्पराज पराजुली, वरिष्ठ उपसभापतिहरू गोविन्द शर्मा पौडेल, विष्णुप्रसाद ढकाल, गोविन्दराम परियार, भरतराज शर्मा, महामन्त्री भक्तराज भुसाल, सहमहामन्त्री ऋषव भट्टराई, प्रवक्ता शिवप्रसाद सिम्खडा, यमबहादुर आले, अन्जान लामा र केशव ढुंगाना कांग्रेस प्रवेश गरेका छन् ।

नेपाली कांग्रेससँग असन्तुष्ट रहेका भट्टराईसहितका नेताहरूले नेपाली कांग्रेस (वीपी) गठन गरेका थिए । सो पार्टीका नेताहरू पुनः कांग्रेसमा प्रवेश गरेका छन् ।