माओवादीका पूर्वगृहमन्त्री र राज्यमन्त्रीलाई हराउन ‘बागी’
![](https://i0.wp.com/www.republicadainik.com/wp-content/uploads/2017/10/Shakti-Basnet-Shyam-Shresthya.jpg?resize=825%2C500)
काठमाडौं । एमाले–माओवादी केन्द्रले विद्रोही उम्मेदवारहरूको सामना गर्नु पर्ने भएको छ ।
वाम गठबन्धनको तर्फबाट उम्मेदवार बनेका पूर्वगृहमन्त्री शक्ति बस्नेत जाजरकोट र पूर्वगृह राज्यमन्त्री श्यामकुमार श्रेष्ठविरुद्ध रामेछापमा उम्मेदवारी परेको हो ।
जाजरकोटमा बस्नेतविरुद्ध राप्रपाबाट एमाले प्रवेश गरेका पूर्वसांसद गोबिन्दबिक्रम शाहले उम्मेदवारी दर्ता गराएका छन् । रामेछापमा श्रेष्ठविरुद्ध पूर्वसांसद रहेकी माओवादी नेतृ लक्ष्मी गुरुङ उम्मेदवार बनेकी छन् ।
बस्नेत एमाले अध्यक्ष ओली नेतृत्वको सरकारमा गृहमन्त्री थिए । श्रेष्ठ कांग्रेस सभापति शेरबहादुर देउवा नेतृत्वको सरकारमा गृह राज्यमन्त्री रहेको थिए । अहिले उनी विनाविभागीय बनेका छन् ।
एमालेले पाएको जाजरकोट (क) मा पुनः माओवादीलाई दिइएपछि माओवादी केन्द्रका गणेशबहादुर सिंहविरुद्ध एमालेका निरज आचार्यले उम्मेदवारी दिएका छन् ।
एमालेले पाएको रामेछाप (क) मा माओवादी केन्द्रका हेमन्त पौडेलले उम्मेदवारी दिएका छन् । रामेछाप (ख) मा पनि माओवादीकै मैनकुमार मोक्तानले वागी उम्मेदवारी दिएका छन् ।
प्रदेश सभाका दुवै सिट एमालेले पाएको रामेछापमा (क) बाट एमालेका शान्ति पौडेल र (ख) मा कैलाश ढुङ्गेलले साझा वाम उम्मेदवारका रुपमा उम्मेदवार दर्ता गराएका छन् ।
पूर्व गृहमन्त्री बस्नेतलाई प्रतिनिधि सभामा आफ्नो टिकट सुरक्षित गराउनकै लागि जाजरकोटमा प्रदेश सभाका दुवै सिट एमालेलाई दिइएको भन्दै जाजरकोट माओवादीभित्र असन्तुष्टि चुलिएको थियो ।
यही असन्तुष्टिका बीच एमालेले पाएको (क) निर्वाचन क्षेत्र पुन माओवादीलाई दिएपछि प्रतिनिधि सभाका बस्नेतविरुद्ध शाह र सिंहविरुद्ध आचार्य उम्मेदवार बनेका हुन् ।
फेसबुकबाट तपाईको प्रतिक्रिया
बिचार/ब्लग
![](https://i0.wp.com/www.republicadainik.com/wp-content/uploads/2024/08/Sherbahadur-Deuba-4.jpg?resize=200%2C200)
सभापति देउवाद्वारा मेलमिलाप आयोगको छलफलमा राखिएको मन्तव्य
शेरबहादुर देउवा, सभापति, नेपाली कांग्रेस![](https://i0.wp.com/www.republicadainik.com/wp-content/uploads/2024/08/Kulman-Ghisingh-1.jpg?resize=200%2C200)
कुलमान घिसिङलाई भविष्यमा जेलमा थुन्न परेको जाहेरीको व्यहोरा
रमेशप्रसाद खरेल![](https://i0.wp.com/www.republicadainik.com/wp-content/uploads/2024/08/Swornim-Ravi.jpg?resize=200%2C200)
यसमा तपाइको मत