कांग्रेसको पक्षबाट कम्युनिस्टविरुद्ध लड्ने छन् यी लडाकुहरू
काठमाडौं । नेपाली कांग्रेस निकटको नेपाल डेमोक्रयाटिक लयर्स एशोसियसन (डिएलए)को अध्यक्षमा स्वर्गीय नेता खुमबहादुर खड्का निकटका योगेन्द्रबहादुर अधिकारी विजयी भएका छन् ।
नवलपुरको गैंडाकोटमा सोमबार बिहान सम्पन्न मतगणनाअनुसार अध्यक्षमा अधिकारी चार सय ३२ मतसहित विजयी भएका हुन् ।
अध्यक्षका उमेदवार सीताराम केसी र रामकुमार श्रेष्ठले क्रमशः तीन सय ३४ र ४२ मत ल्याएका थिए ।
महाधिवेशनले बरिष्ठ उपाध्यक्षमा सुरेश कुमार पौडेल र महिला उपाध्यक्षमा सुष्मा बास्कोटा बराल निर्वाचित भएका छन् ।
महासचिवमा लक्ष्मीदेवी रावल, कोषाध्यक्षमा सुधा खतिवडा कोइराला, सचिवमा खड्कबहादुर क्षेत्री र महिला सचिवमा विष्णु बस्याल निर्वाचित भएको निर्वाचन अधिकृत होमराज नेपालले बताए ।
प्रदेश उपाध्यक्षमा १ बाट मुरारी खनाल, २ बाट राजन दाहाल, ३ बाट राजु कटवाल, गण्डकीमा फणिन्द्र कोइराला, ५ बाट गोकर्णसिंह थापा, कर्णालीबाट खड्का सिजापति र ७ बाट बीरवहादुर जेठारा निर्वाचित भएका छन् ।
महाधिवेशनबाट निर्वाचित डिएलएको नयाँ नेतृत्वले कम्युनिस्ट सरकारको अधिनायकवादविरुद्ध कानूनी रुपमा प्रतिवाद गर्नेछ ।
जय नेपाल जय कांग्रेश।