हिन्दुको विरोध गर्ने बाबुराम–मानुषीको नयाँ अवतार, कर्नाटकमा बुद्धि फर्कियो
![](https://i0.wp.com/www.republicadainik.com/wp-content/uploads/2023/09/Baburam-Bhattarai-Manushi.jpg?resize=810%2C470)
काठमाडौं । कथित जनयुद्धका बेला हिन्दुको मन्दिर भत्काउने, भगवानका मूर्तिमा पिसाब फेर्न लगाउने लगायतका कु–कृत्य गरेर अपराध गरेका बाबुराम भट्टराईले अहिले आएर हिन्दु धर्मप्रति आस्था देखाउन थालेका छन् ।
करीव १७ हजार मानिस मारेर सत्ता र शक्तिमा आएका बाबुरामले सधैँ हिन्दु धर्मको विरोध गर्दै आएका थिए । कथित जनयुद्धका नाममा हिन्दु धर्मप्रति मानमर्दन गर्ने, क्रिश्चियनलाई बढावा दिने, हिन्दुको मन्दिर भत्काएर चर्च बनाउने जस्ता कार्य बाबुराम र उनको हतियारधारी ग्याङले गरेको थियो ।
बाबुरामले पछिल्लो समय माओवादी पार्टी पनि छाडेर विभिन्न दलहरू बनाएका थिए । बाबुराम जुन दलमा गयो त्यो दलभित्र भाँडभैलो मच्चाएर बाहिरिने गरेका छन् ।
हिन्दु धर्मको सधैँ विरोध गर्दै आएका बाबुरामले आफ्नी छोरी मानुषीसँग भदौ ३० गते भारतमा हिन्दु परम्पराअनुसार समिप मन्दिरमा पूजा गरेका छन् । मन्दिर प्रवेश गरेर पूजा गर्दा बाबुराम र मानुषीले हिन्दुसम्बन्धी पहिरन लगाएका छन् ।
भारतको कर्नाटकस्थित मन्दिर प्रवेश द्वार समीपमा बाबुराम र मानुषी तथा उनका परिवारका सदस्यहरूले विक्रम संवत २०८० को भदौ ३० गते अर्थात सेप्टेम्बर १६ मा पूजा गरेका छन् ।
नेपालमा रहेका मठमन्दिर नजाने, पशुपतिनाथको मन्दिर नटेक्ने बाबुराम र उनकी छोरी मानुषीले भारतको हिन्दुको मन्दिरमा पूजा गरेका छन् । बाबुराम र मानुषीको बल्ल बुद्धि फर्किएको भनेर सामाजिक सञ्जालमा टिकाटिप्पणी भएका छन् ।
![](https://i0.wp.com/www.republicadainik.com/wp-content/uploads/2023/09/376421324_7426457587381168_5313440092949390559_n-768x1024.jpg?resize=840%2C1024&ssl=1)
बिचार/ब्लग
![](https://i0.wp.com/www.republicadainik.com/wp-content/uploads/2024/08/Sherbahadur-Deuba-4.jpg?resize=200%2C200)
सभापति देउवाद्वारा मेलमिलाप आयोगको छलफलमा राखिएको मन्तव्य
शेरबहादुर देउवा, सभापति, नेपाली कांग्रेस![](https://i0.wp.com/www.republicadainik.com/wp-content/uploads/2024/08/Kulman-Ghisingh-1.jpg?resize=200%2C200)
कुलमान घिसिङलाई भविष्यमा जेलमा थुन्न परेको जाहेरीको व्यहोरा
रमेशप्रसाद खरेल![](https://i0.wp.com/www.republicadainik.com/wp-content/uploads/2024/08/Swornim-Ravi.jpg?resize=200%2C200)
फेसबुकबाट तपाईको प्रतिक्रिया