राहत वितरणमा ढिलाइ भएको भन्दै सभापति खतिवडा चिन्तित, दुर्गममा छिटो पुग्न आग्रह
![](https://i0.wp.com/www.republicadainik.com/wp-content/uploads/2023/11/Ramhari-Khatiwada-1.jpg?resize=810%2C448)
काठमाडौं । प्रतिनिधिसभाको राज्य व्यवस्था तथा सुशासन समितिका सभापति रामहरि खतिवडा नेतृत्वको संसदीय टोलीले भूकम्प प्रभावितको उद्धार, राहत र पुनर्स्थापनामा भइरहेका सरकारी प्रयासका बारेमा अनुगमन गरेको छ ।
बुधबार काठमाडौंबाट जाजरकोट र रुकुम पश्चिम पुगेको संसदीय टोलीले स्थानीय प्रशासन, राजनीतिक दल, भूकम्प प्रभावित लगायतसँग उद्धार, राहत वितरण र पुनर्स्थापनामा भइरहेका प्रयासहरूका बारेमा जानकारी लिएको सभापति खतिवडाले बताए । उनले राहतलाई एकद्वार प्रणालीमार्फत तथ्याङ्क राखेर वितरण गर्न आग्रह गरे ।
आफ्नै निजी खर्चमा भूकम्प प्रभावित क्षेत्रको अनुगमनमा जाजरकोट र रुकुम पश्चिम आइपुगेको संसदीय टोलीले राहत वितरण र पुनर्स्थापनाका बारेमा विशेष ध्यान दिनेछ ।
खतिवडाले सुरक्षाकर्मीले भूकम्प प्रभावितहरूको उद्धार लगायतका कार्यमा देखाएको तदारुकताको निकै प्रशंसा गरेका छन् ।
सभापति खतिवडाले भने, ‘राज्यका संरचना, सुरक्षाकर्मी, स्थानीयहरू लगायतको विशेष पहलमा उद्धारको काम सन्तोषजनक पाएका छौँ । राहत वितरणमा केही बिलम्ब देखिएको छ । पुनर्स्थापनाको काम छिटोभन्दा छिटो हुनुपर्छ ।’
सभापति खतिवडाले दुर्गम अर्थात मोटर जान नसक्ने गाउँका जनतासम्म राहत पुर्याउने व्यवस्था गर्न आग्रह गरेका छन् । उनले राहत वितरणमा कुनै पनि भेदभाव नगरी समयमा उपलब्ध गराउन सरकारी निकायलाई निर्देशन दिएका छन् ।
चिसो बढेकाले स्थानीयलाई सुरक्षित ठाउँमा राख्न खतिवडाले आग्रह गरेका छन् । भूकम्पपछि स्वास्थ्यका विषयमा विशेष ध्यान दिनुपर्ने भन्दै खतिवडाले महामारी फैलन सक्ने विषयमा पनि सरोकारवाला निकाय सचेत रहनुपर्ने बताए ।
बिचार/ब्लग
![](https://i0.wp.com/www.republicadainik.com/wp-content/uploads/2024/08/Sherbahadur-Deuba-4.jpg?resize=200%2C200)
सभापति देउवाद्वारा मेलमिलाप आयोगको छलफलमा राखिएको मन्तव्य
शेरबहादुर देउवा, सभापति, नेपाली कांग्रेस![](https://i0.wp.com/www.republicadainik.com/wp-content/uploads/2024/08/Kulman-Ghisingh-1.jpg?resize=200%2C200)
कुलमान घिसिङलाई भविष्यमा जेलमा थुन्न परेको जाहेरीको व्यहोरा
रमेशप्रसाद खरेल![](https://i0.wp.com/www.republicadainik.com/wp-content/uploads/2024/08/Swornim-Ravi.jpg?resize=200%2C200)
फेसबुकबाट तपाईको प्रतिक्रिया