मोलङमा शेर्पाको घरमा आगलागी हुँदा ठूलो क्षति, खतिवडाद्वारा गहिरो दु:ख व्यक्त
![](https://i0.wp.com/www.republicadainik.com/wp-content/uploads/2023/11/Aagalagi.jpg?resize=810%2C424)
ओखलढुंगा । ओखलढुंगा जिल्लामा घरमा आगलागी हुँदा करीव १५ लाख बराबरको क्षति भएको छ ।
मोलुङ गाउँपालिका–६ मंसिरे बस्ने कर्मा शेर्पाको घरमा बुधबार दिउँसो आगलागी हुँदा घर पूर्णरूपमा जलेर करिब १५ लाख रूपियाँ बराबरको धनमाल नष्ट भएको प्रहरीद्वारा जारी विज्ञप्तिमा उल्लेख छ ।
कर्मा शेर्पा र उनकी श्रीमती गाउँकै आफन्तकोमा गएको अवस्थामा घरमा रहेका उनका छोरा १५ महिनाको फूर्वा शेर्पा र ३ वर्षीय मिङ्मार शेर्पाले लाईटर खेलाउने क्रममा आगलागी भएको प्रहरीले जनाएको छ ।
कर्माको १५ महिनाको छोरा हालसम्म फेला नपरेकोले प्रहरीले स्थानीय बासिन्दाको सहयोगमा खोजी गरिरहेको छ ।
प्रहरीले स्थानीय बासिन्दा तथा दमकलको सहयोगमा आगलागी नियन्त्रणमा लिनुका साथै यस सम्बन्धमा आवश्यक अनुसन्धान गरिरहेको छ ।
यसैबीच, प्रतिनिधिसभाका सांसद समेत रहेका नेपाली कांग्रेसका नेता रामहरि खतिवडाले आगलागीबाट भएको नोक्सानी र क्षतिप्रति गहिरो दु:ख व्यक्त गरेका छन् ।
राज्य व्यवस्था तथा सुशासन समितिका सभापति समेत रहेका खतिवडाले हराइरहेका १५ महिनाका बालकको खोजीका लागि सुरक्षा निकायसँग अनुरोध गरेका छन् ।
बिचार/ब्लग
![](https://i0.wp.com/www.republicadainik.com/wp-content/uploads/2024/08/Sherbahadur-Deuba-4.jpg?resize=200%2C200)
सभापति देउवाद्वारा मेलमिलाप आयोगको छलफलमा राखिएको मन्तव्य
शेरबहादुर देउवा, सभापति, नेपाली कांग्रेस![](https://i0.wp.com/www.republicadainik.com/wp-content/uploads/2024/08/Kulman-Ghisingh-1.jpg?resize=200%2C200)
कुलमान घिसिङलाई भविष्यमा जेलमा थुन्न परेको जाहेरीको व्यहोरा
रमेशप्रसाद खरेल![](https://i0.wp.com/www.republicadainik.com/wp-content/uploads/2024/08/Swornim-Ravi.jpg?resize=200%2C200)
फेसबुकबाट तपाईको प्रतिक्रिया