भाषणभन्दा पनि काम गर्ने समय आएको छ : सभापति देउवा
![](https://i0.wp.com/www.republicadainik.com/wp-content/uploads/2023/12/Sherbahadur-Deuba.jpg?resize=810%2C474)
काठमाडौं । नेपाली कांग्रेसका सभापति शेरबहादुर देउवाले देशमा भाषणभन्दा पनि काम गर्ने समय आएको बताएका छन् ।
शनिबार बुटवलमा नेपाली कांग्रेस लुम्बिनी प्रदेशको प्रथम प्रदेश सम्मेलनको उद्घाटन गर्दै देउवाले कम बोल्ने तर, काम गर्ने आफ्नो स्वभाव रहेको बताएका छन् । उनले नेपाली कांग्रेस अझै बलियो र एकताबद्ध बन्ने विश्वास व्यक्त गरेका छन् ।
गौतम बुद्धको जन्मस्थल लुम्बिनी जस्तो पवित्रस्थल क्षेत्र भएकोले रुपन्देहीबाट नेपाली कांग्रेसलाई बलियो बनाउन लुम्बिनी प्रदेश सम्मेलनले महत्वपूर्ण सन्देश दिने देउवाले बताएका छन् ।
सभापति देउवाले बुद्धको जीवन दर्शनप्रति विश्वभर नै आस्था बढ्दै गएको बताउँदै उनले अन्य धार्मिक समुदायले समेत बुद्धिजमलाई आत्मसाथ गरेकोले लुम्बिनीको भूमिमा भइरहेको कांग्रेसको प्रदेश सम्मेलन महत्वपूर्ण रहेको बताए ।
महामन्त्री विश्वप्रकाश शर्माले अहिलेसम्म नेपाली कांग्रेसले देशलाई हरेक मोडमा नेतृत्व गरेको बताउँदै अब पनि नेतृत्व गर्ने दिन आएको बताए ।
महामन्त्री शर्माले देशको अभिभावकत्व कांग्रेसले गर्नुपर्ने बताए । उनले अब व्यवस्थामा परिमार्जन र अवस्थामा परिवर्तन चाहिएकोले कांग्रेसको संगठनलाई बदल्नु जरुरी रहेको बताए ।
लुम्बिनी प्रदेशका मुख्यमन्त्री तथा नेपाली कांग्रेसका नेता डिल्लीबहादुर चौधरीले देशमा संघीयता आए पनि प्रदेशले अझै अधिकार नपाएको अवस्था रहेको बताए ।
चौधरीले संघीयताको विषयमा प्रश्न उठिरहेकोले संविधान कार्यान्वयन गराउन संघबाट दिन सकिने अधिकार प्रदेश सरकारलाई छिटो प्रदान गर्नेतर्फ ढिलाइ गर्नु नहुने बताए ।
कार्यक्रममा महामन्त्री गगन थापा,नेता शेखर कोइराला, केन्द्रीय सदस्य चन्द्र भण्डारी, पुष्पा भुसाल, दीपक गिरी लगायतले बोलेका छन् ।
सम्मेलनलमा लुम्बिनी प्रदेशका १२ वटै जिल्लाबाट जिल्लाका पदाधिकारी तथा सदस्यको सहभागिता रहेको छ । सम्मेलन आइतबारसम्म सञ्चालन हुनेछ ।
![](https://i0.wp.com/www.republicadainik.com/wp-content/uploads/2023/12/407451942_3034544973345506_17137655104047257_n-1024x458.jpg?resize=1024%2C458&ssl=1)
![](https://i0.wp.com/www.republicadainik.com/wp-content/uploads/2023/12/407590991_3034545113345492_5130494577244148267_n-1024x458.jpg?resize=1024%2C458&ssl=1)
![](https://i0.wp.com/www.republicadainik.com/wp-content/uploads/2023/12/407434911_1569557713860543_6418058340788410871_n-1024x768.jpg?resize=1024%2C768&ssl=1)
![](https://i0.wp.com/www.republicadainik.com/wp-content/uploads/2023/12/407253103_3034544936678843_3104312870803324835_n-1024x458.jpg?resize=1024%2C458&ssl=1)
![](https://i0.wp.com/www.republicadainik.com/wp-content/uploads/2023/12/405265164_6851966774888261_2408248072074966098_n-1024x577.jpg?resize=1024%2C577&ssl=1)
![](https://i0.wp.com/www.republicadainik.com/wp-content/uploads/2023/12/405473314_6851969001554705_3839896872888097737_n-1024x577.jpg?resize=1024%2C577&ssl=1)
![](https://i0.wp.com/www.republicadainik.com/wp-content/uploads/2023/12/405423949_6851966514888287_3101327104188870562_n-1-1024x577.jpg?resize=1024%2C577&ssl=1)
बिचार/ब्लग
![](https://i0.wp.com/www.republicadainik.com/wp-content/uploads/2024/08/Sherbahadur-Deuba-4.jpg?resize=200%2C200)
सभापति देउवाद्वारा मेलमिलाप आयोगको छलफलमा राखिएको मन्तव्य
शेरबहादुर देउवा, सभापति, नेपाली कांग्रेस![](https://i0.wp.com/www.republicadainik.com/wp-content/uploads/2024/08/Kulman-Ghisingh-1.jpg?resize=200%2C200)
कुलमान घिसिङलाई भविष्यमा जेलमा थुन्न परेको जाहेरीको व्यहोरा
रमेशप्रसाद खरेल![](https://i0.wp.com/www.republicadainik.com/wp-content/uploads/2024/08/Swornim-Ravi.jpg?resize=200%2C200)
फेसबुकबाट तपाईको प्रतिक्रिया